España
O catalán é a lingua dominante na Wikipedia no conxunto do Estado español
A presenza do catalán na Wikipedia, a enciclopedia libre, duplica a do castelán no Estado español, segundo un estudo de Mark Graham, investigador da Universidade de Oxford.
Fonte: Generalitat de Catalunya
Baleares abandona o Instituto Ramon Llull
O Goberno balear rematou coa colaboración con Cataluña para promover a lingua e a cultura catalás. As illas non farán contribución económica ningunha o vindeiro ano ao Instituto Ramon Llull (IRL), segundo consta no anteproxecto de orzamentos da comunidade para o 2013.
Fonte: La Vanguardia
A Xunta pola Defensa da Lingua Asturiana lamenta a supresión da categoría de asturiano dos Premios da Crítica
A Xunta pola Defensa da Lingua Asturiana lamentou profundamente a decisión final da Asociación de Escritoras de Asturias de non incluír nos XIII Premios da Crítica de Asturias aos escritores en lingua asturiana.
Fonte: Europa Press
O novo sistema operativo Windows 8 inclúe o catalán como lingua de base
O novo sistema operativo Windows 8 inclúe o catalán como lingua de base desde o primeiro día en todos os equipos que se vendan en España, segundo explicou o director de servizo público de Microsoft Ibérica, Carles Grau.
Fonte: Finanzas
Un selo identificará as entidades que fomenten o uso do catalán
A Dirección Xeral de Política Lingüística do Departamento de Cultura creou unha identificación gráfica para as entidades que formen parte do censo de entidades que fomenten a lingua catalá para aplicala, se queren, nos seus produtos e servizos.
Fonte: Generalitat de Cataluña
O número de alumnos matriculados en lingua chinesa en Andalucía aumenta un 20 %
O número de alumnos matriculados en lingua chinesa na comunidade autónoma andaluza incrementouse entre un 15 e un 20 por cento respecto ao curso pasado no que, por primeira vez, se ofertou esta materia en horario extraescolar, nun total de 10 centros públicos de primaria e secundaria.
Fonte: Ideal
Rexeitan a proposición para regular o éuscaro na prensa en Navarra
O Pleno do Parlamento de Navarra rexeitou a proposición de lei de modificación da Lei foral do éuscaro para regular a presenza desta lingua na prensa.
Fonte: Diario de Navarra
Varias empresas reciben un recoñecemento pola súa xestión do éuscaro
Un total de 28 organizacións foron recoñecidas este ano co certificado Bikain do Goberno vasco, que acredita a calidade na xestión do éuscaro.
Fonte: El País
O Concello de Santander promove a aprendizaxe da lingua de signos
O Concello de Santander puxo en marcha un novo curso básico sobre a lingua de signos para facilitar o seu coñecemento a funcionarios, empregados municipais e ao público en xeral, co obxectivo de mellorar a comunicación coas persoas con capacidade auditiva.
Fonte: ABC
San Sebastián edita a nova edición da guía de cultura e ocio en éuscaro
O Servizo de Éuscaro do Concello de San Sebastián publicou e distribuíu 25 000 exemplares dunha nova edición da guía de produtos culturais e de ocio en éuscaro, “Euskara Gida 2012-2013”, que tamén está dispoñible en internet.
Fonte: ABC
Boletín
Subscríbase ao boletín
