España
A revista ‘Ze Berri?’ chega ao número 100 facendo promoción do éuscaro
A revista Ze Berri? de información sobre éuscaro e cultura vasca publicará o seu número 100. O primeiro exemplar viu a luz en setembro de 1996 e, co traballo e a participación de 36 localidades navarras, a aposta por promover o éuscaro tanto para falantes de éuscaro como, sobre todo, para castelanfalantes, chega ata hoxe.
Fonte: Noticias de Navarra
A iniciativa Mintzagun animará a crear espazos nos que poder utilizar o éuscaro
Para moitos alumnos e para aquelas persoas que acaban de aprender éuscaro, o euskaltegi é o único espazo do que dispoñen para falar este idioma. Dispostos a dar resposta a esta necesidade, os concellos crearon a iniciativa Mintzagun, que trata de «salientar, reforzar e promover a dimensión social da euscaldunización» en toda a comarca de Oarsoaldea.
Fonte: Diario Vasco
O Goberno vasco destina 400 000 euros a impulsar o fomento do éuscaro no País Vasco francés
O Goberno vasco asinou en Baiona (Francia) o acordo anual de colaboración co Organismo Público do Éuscaro no País Vasco francés que detalla as liñas de actuación para desenvolver en 2013 en colaboración entre as dúas institucións, en materia de Política Lingüística, así como os 400 000 euros que destinará aos axentes que traballan en favor do éuscaro no País Vasco francés.
Fonte: Expansión
Un concurso en liña fomentará o uso do catalán entre a xente nova
O Departamento de Cultura convoca un concurso de lemas para fomentar o uso do catalán entre os mozos, especialmente nas redes sociais.
Fonte: Generalitat de Catalunya
O Instituto Cervantes aposta por ampliar a promoción da lingua e a cultura catalás
O secretario xeral do Instituto Cervantes, Rafael Rodríguez, amosouse disposto a “identificar novas formas de colaboración” coas institucións catalás para levar a cabo actividades de promoción da lingua e a cultura catalás.
Fonte: Europa Press
Publícase a convocatoria para autorizar unha segunda lingua estranxeira no terceiro ciclo de Primaria en Estremadura
O Diario Oficial de Estremadura (DOE) publicou a convocatoria para autorizar a impartición, con carácter experimental, dunha segunda lingua estranxeira no terceiro ciclo de Educación Primaria nos centros sostidos con fondos públicos de Estremadura, a partir do curso escolar 2013/2014.
Fonte: Europa Press
O Goberno de Baleares aproba o decreto de linguas para o sistema educativo
O Goberno aprobou o decreto do tratamento integral de linguas (TIL) de Baleares, que ten como obxectivo que os alumnos do ensino público e concertado non universitario coñezan e se expresen nas dúas linguas oficiais, catalán e castelán, e nunha terceira lingua estranxeira, inglés, preferentemente.
Fonte: Diario de Mallorca
Presentan a primeira antoloxía de poesía española traducida á lingua de signos
A Fundación CNSE para a Supresión das Barreiras de Comunicación presenta en Madrid a primeira antoloxía de poesía española traducida á lingua de signos, con motivo das actividades programadas para a Noite dos Libros.
Fonte: Crónica Social
A localidade navarra de Villatuerta acolle unha festa pola oficialidade do éuscaro
Baixo o lema “Cosendo a vila do éuscaro”, miles de persoas participaron en Villatuerta na festa que Sortzen-Ikasbatuaz e diferentes asociacións organizaron en contra da zonificación lingüística e pola oficialidade do éuscaro.
Fonte: Diario de Navarra
Propoñen que autores e lectores leven un lazo en defensa do catalán o día de Sant Jordi
As entidades que impulsan a campaña "Enllaçats per la llengua" (Enlazados pola lingua) propuxeron que os autores e lectores leven o día de Sant Jordi un lazo coas cores da bandeira de Cataluña en defensa do catalán.
Fonte: ABC
Boletín
Subscríbase ao boletín
