Os alumnos xordos matriculados nas autoescolas poderán recibir as clases en lingua de signos para aprender a conducir, tras o convenio que asinaron a Confederación Estatal de Persoas Xordas (CNSE) e a Confederación Nacional de Autoescolas (CNAE).

Fonte: Diariosur

O Goberno de Aragón autoriza a 11 novos centros a impartir un segundo idioma (francés na maioría dos casos) a partir de 5º o próximo curso. En total son 164 escolas.

Fonte: Heraldo

Un estudo realizado polo Gabinete de Prospección Sociolóxica do Goberno vasco reflicte que aínda que a aprendizaxe do éuscaro crece, o castelán segue a ser a lingua predominante. Segundo os datos recollidos, prodúcese un empate técnico entre quen sabe éuscaro e quen o descoñece absolutamente, un 37 % en ambos os casos.

Fonte: El Diario

O conselleiro de Cultura, Ferran Mascarell, o de Xustiza, Germà Gordó, e o presidente do Ilustre Consello do Colexio de Graduados Sociais de Cataluña, Vicenç Cardellach, asinaron un acordo marco de colaboración para realizar accións conxuntas que fomenten o uso do catalán.

Fonte: Generalitat de Cataluña

A actitude ‘euskaltzale’ ou favorable á promoción do éuscaro duplica as posicións reticentes ao impulso desta lingua, segundo se recolle no estudo ‘O éuscaro na Comunidade Autónoma do País Vasco: competencia, uso e opinión’, presentado polo Goberno vasco.

Fonte: 20 minutos

O Goberno vasco adxudicou xa a maioría das subvencións, o 82 %, para o apoio a iniciativas de fomento do éuscaro no País Vasco, ao que destinará un total de 9 984 300 euros.

Fonte: El Mundo

Entre as funcións e tarefas destes técnicos, salienta o poder axudar aos concellos e cuadrillas do territorio e aos concellos do Condado de Treviño, así como a estruturas dependentes destes e a asociacións, a fomentar e aumentar o uso do éuscaro. Tamén persegue promover o coñecemento e o uso do éuscaro entre os axentes do territorio que o soliciten, así como ofrecer un servizo de traducións para os axentes do territorio que así o demanden, ademais de coordinar e colaborar no desenvolvemento de actividades e programas recollidos no Plan Xeral de Promoción e Uso do Éuscaro.

Fonte: El Diario

As fundacións ou asociacións inscritas no Censo de fomento da lingua catalá dobraron o seu número en apenas dous anos, tras lograrse este 2013 un incremento do 39,5 % con respecto ao curso pasado.

Fonte: ABC

O buscador de equipamentos da Generalitat incorporou recentemente os equipamentos de lingua, concretamente os centros de normalización lingüística e as oficinas de catalán en que se organiza territorialmente o Consorcio pola Normalización Lingüística.

Fonte: Generalitat de Cataluña

O Consello de Goberno de Murcia deu luz verde a unha subvención de 24 000 euros da Consellería de Sanidade e Política Social para desenvolver o proxecto de intervención de intérpretes de Lingua de Signos nas aulas da Universidade de Murcia.

Fonte: Murcia