España
A convivencia de modelos lingüísticos xera discrepancias entre os partidos políticos navarros
Aínda que a maioría dos partidos navarros apoian a convivencia de distintos modelos lingüísticos nun mesmo centro, algún afirma que a separación favorecería a "inmersión lingüística".
Fonte: Noticias de Navarra
A comarca vasca de Buruntzaldea conta cun plan de éuscaro conxunto para impulsar o idioma
Buruntzaldea dispón dun orzamento de 163 946,00 euros en 2016 para pór en marcha programas que impulsen a transmisión, o uso e a calidade do éuscaro.
Fonte: El Diario Vasco
A Academia Valenciana da Lingua e a Real Academia de Cultura Valenciana achegan posturas sobre a normativa lingüística
A Academia Valenciana da Lingua (AVL), ente oficial da normativa do valenciano, considera asumible unha boa parte da gramática aprobada pola Real Academia de Cultura Valenciana (RACV) para o seu debate.
Fonte: Levante-EMV
Convócase unha manifestación para protestar polo veto ao asturiano na Xunta Xeral do Principado
O vindeiro xoves 25 convócase unha concentración ante a Xunta Xeral do Principado de Asturias para solicitar que se poida usar o asturiano neste órgano como establece a lei.
Fonte: El Digital de Asturias
Denuncian que a proba de acceso á avogacía só estará dispoñible en lingua castelá
O Consello da Avogacía Catalá reclama, por segundo ano consecutivo, que o exame de acceso á avogacía estea dispoñible nas linguas cooficiais.
Fonte: La Vanguardia
O Goberno balear apoiará que o decreto de linguas sexa compatible co status do catalán como lingua vehicular no ensino
A Dirección Xeral de Política Lingüística do arquipélago balear defenderá que o decreto de linguas estranxeiras para o ensino sexa compatible co uso do catalán como lingua vehicular.
Fonte: Mallorca Diario
Solicitan a creación de cátedras de catalán, galego e éuscaro nas universidades andaluzas
Ciudadanos (C's) insta a Junta de Andalucía a crear as cátedras de catalán, galego e éuscaro nos departamentos de Filoloxía de todas as universidades de Andalucía.
Fonte: 20minutos
Un libro recolle o impulso que lle deron ao éuscaro as deputacións vascas ao longo da historia
A Academia Vasca de Dereito (AVD) e Sabino Arana Fundazioa editan o libro Euskera Foru Aldundien zirkularretan: Bizkaia (1917-1919), Gipuzkoa (1918-1923) no que se recolle o uso do éuscaro nas deputacións.
Fonte: Deia
O modelo lingüístico en éuscaro é xa o maioritario nas escolas infantís de Pamplona
Dúas escolas infantís municipais máis incorporarán o modelo lingüístico en éuscaro, co que as prazas nesta lingua se elevan a 409, mentres que en castelán haberá 337 e en castelán con inglés, 336.
Fonte: Navarra.com
O Consorcio para a Normalización Lingüística subscribe novos convenios para promover o uso do catalán
O Consorcio para a Normalización Lingüística (CPNL) subscribiu varios convenios de colaboración con diferentes entidades co obxectivo de avanzar no fomento da lingua catalá.
Fonte: Generalitat de Catalunya
Boletín
Subscríbase ao boletín