España
Máis de 200 alumnos aprenden portugués como segunda lingua estranxeira en centros educativos de Huelva
A aposta da Junta de Andalucía por facilitar o ensino do portugués en centros públicos de Huelva trae consigo grandes oportunidades de aprender unha lingua e unha cultura, portadora dunha rica historia, compartida en determinadas etapas históricas. Este factor de coñecemento e aproximación recíproco, de enorme importancia socioeducativa, ten unha clara repercusión a nivel económico a medio e longo prazo.
Fonte: Huelva 24
O Parlamento navarro rexeita unha moción de apoio á extensión do éuscaro na comunidade
A Xunta de Portavoces rexeitou unha proposta de declaración institucional para que o Parlamento de Navarra mostrara a súa vontade favorable a que a maioría dos cidadáns da comunidade aprendan éuscaro.
Fonte: Diario de Navarra
A Consellería valenciana de Educación reducirá a presenza do valenciano nas liñas de castelán
A orde que prepara a Consellería de Educación para regular a autorización do proxecto lingüístico dos centros de ensino de Réxime Xeral desde Infantil ata Bacharelato e Formación Profesional previsto no Decreto de Plurilingüismo reducirá a presenza do valenciano nas escolas de liña en castelán.
Fonte: Diario Información
Varias asociacións reclaman maior presenza do asturiano na Radio Televisión do Principado de Asturias
Representantes de 26 asociacións presentaron un documento de consenso no que reclaman maior presenza da lingua asturiana na programación de Radio Televisión do Principado de Asturias (RTPA).
Fonte: La Nueva España
Convocan outra marcha a prol do éuscaro en Navarra
Persoas de diferentes ámbitos realizaron un chamamento á comunidade euscalduna e vasquista para saír ás rúas de Pamplona o vindeiro 22 de marzo para defender o seu dereito a vivir en éuscaro a «a pesar dos ataques do Goberno de Navarra».
Fonte: Diario Vasco
Os traballadores do Concello de San Sebastián fan un mosaico a prol do emprego do éuscaro
Os traballadores do Concello de San Sebastián formaron un mosaico xigante en apoio a 'Udalean ere euskaraz', unha campaña de comunicación e sensibilización para promover o uso do éuscaro na Administración.
Fonte: Diario Vasco
Bilbao acolle unha exposición para incentivar o interese polo éuscaro
Alhóndiga Bilbao inaugurou a exposición temporal "Badu Bada 'O éuscaro nun mundo multilingüe'", cuxo obxectivo é activar o interese da cidadanía por esta lingua, afondar nela e promover a diversidade lingüística.
Fonte: ABC
A plataforma Escola Valenciana obtén un premio internacional á educación multilingüe
Linguapax, a organización non gobernamental creada pola Unesco e dedicada á valoración e protección da diversidade lingüística mundial, recoñeceu o traballo da plataforma Escola Valenciana co seu premio internacional anual.
Fonte: El País
Colectivos sociais presentan unha iniciativa lexislativa popular para que se cree unha radiotelevisión pública en valenciano
Unha vintena de representantes sociais de distintos ámbitos da Comunidade Valenciana promoven unha iniciativa lexislativa popular (ILP) para garantir o dereito do pobo valenciano a ter un servizo público de radio e televisión na súa lingua.
Fonte: Las Provincias
Colectivos navarros denuncian a falta de escolas infantís en éuscaro
Tal e como sinalaron estes colectivos nun comunicado, en Pamplona existen 18 escolas infantís públicas (0 a 3 años) e unicamente dúas delas ofertan o seu servizo en éuscaro.
Fonte: Noticias de Navarra
Boletín
Subscríbase ao boletín
