Un estudo e varias publicacións do departamento de Cultura de Cataluña e o Campus Iberus permitirán coñecer cal é a situación do catalán e o seu uso social na zona oriental de Aragón.

Fonte: Diario de Teruel

O Goberno balear solicita a modificación urxente da lei para que o catalán sexa un requisito nos procesos de selección de persoal para traballar na Administración pública.

Fonte: Diario de Ibiza

Os dicionarios editados pola sociedade Alkarbide, co apoio da Deputación de Biscaia, recollen vocabulario e frases básicas de utilidade no día a día ordenados por temas.

Fonte: ABC

A Academia Vasca de Policía e Emerxencias de Arkaute destina 350 000 euros ao Instituto de Alfabetización e Reeuscaldunización de Adultos (HABE) para que os alumnos da promoción XXV reciban cursos de formación de éuscaro.

Fonte: El Mundo

O documento "E a partir de agora que?" recibiu 29 achegas tanto de membros da Comisión Euskera 21 como de especialistas nos últimos meses.

Fonte: Goberno Vasco

O cuarto informe do Consello de Europa afirma que o asturiano aínda non é lingua oficial e pídelles ás autoridades que tomen medidas de apoio para este idioma.

Fonte: Asturnews

No concurso en éuscaro organizado polo Euskaltegi Municipal de Eibar e AEK elixirase o mellor piropo valorando a súa orixinalidade.

Fonte: El Diario Vasco

O plan destinado á normalización da lingua asturiana e impulsado desde o Principado foi aprobado polo Pleno de Carreño.

Fonte: El Comercio

O Goberno vasco asina un convenio de colaboración con dez grandes cadeas comerciais no que manifestan a súa vontade de garantir o uso do éuscaro en relacións escritas e orais cos clientes.

Fonte: EITB

A Generalitat apoia o Manual de vocabulario básico para o sector do comercio editado en catalán, inglés e chinés pola Plataforma pola Lingua co fin de contribuír ao proceso de inclusión social dos comerciantes de orixe chinesa.

Fonte: Generalitat de Catalunya