Protexer, preservar e dignificar as modalidades insulares da lingua e lograr o seu recoñecemento oficial. Este é o obxectivo principal da recentemente fundada asociación Foment Cultural de ses Illes Balears (Fomento Cultural das Illas Baleares).

Fonte: Menorca.info

O Goberno central desestimou o requirimento do Goberno vasco contra a regulación da tarxeta individual sanitaria, dado que a nova normativa non lles permite ás comunidades incorporar datos propios que permitan cumprir, no caso de Euskadi, coa Lei vasca de normalización do uso do éuscaro.

Fonte: Diario Vasco

Softastur, asociación sen ánimo de lucro que traballa polo software libre, acaba de anunciar que haberá unha versión do popular sistema operativo móbil Android en lingua asturiana.

Fonte: Infoasturies

O conselleiro de Educación, Marcial Marín, avanzou que o goberno rexional ten listo un decreto de bilingüismo que aprobará o Consello de Goberno co que o Executivo vai dar facilidades para outorgar o título de ensino de inglés a 2000 profesores.

Fonte: La Tribuna de Ciudad Real

O partido EH Bildu presentou unha instancia no rexistro municipal para esixir xuridicamente “o cumprimento da ordenanza do éuscaro en todas as publicacións da páxina web” do Concello de Pamplona.

Fonte: Noticias de Navarra

O Consistorio de Ondarroa potenciará o uso do éuscaro na Administración local, así como nas relacións que mantén con outros concellos, segundo recolle o quinto plan de normalización da lingua vasca aprobado pola Corporación.

Fonte: El Correo

O Departamento vasco de Educación, Política Lingüística e Cultura destinará 814 200 euros á realización de proxectos destinados a promover e consolidar o uso do éuscaro en ámbitos non formais, en especial os que se desenvolvan no tempo libre.

Fonte: Deia

Antes de que comezara a aplicarse este proxecto trilingüista, sete de cada dez alumnos (69,5 %) recibían todo o ensino en catalán, menos a materia de lingua castelá, mentres que un 29 % asistía a centros cun ensino bilingüe respecto ás dúas linguas oficiais. Case un 1 % do alumnado, pola súa parte, asistía a todas as clases en castelán, con excepción da área de lingua catalá.

Fonte: Diario de Mallorca

Os novos datos sobre alumnos que deciden estudar outro idioma son malos na Universidade de Granada. «En linguas estranxeiras, o contexto económico seguiu afectando a esta área», recoñecen na institución universitaria. E a noticia non é nova. É o terceiro ano consecutivo que baixou a cifra de estudantes e de matrículas en cursos de linguas modernas.

Fonte: Ideal

O Concello de Ortuella contará durante os próximos catro anos cun novo Plan local de éuscaro, o que permitirá garantir a súa utilización na vida cotiá da institución.

Fonte: Deia