O Real Padroado sobre Discapacidade, a través do Centro de Normalización Lingüística da Lingua de Signos Española (CNLSE), e a Universidade de Castela-A Mancha asinaron un convenio de colaboración dirixido a fomentar a difusión e investigación da lingua de signos española.

Fonte: Discapnet

A secretaria de Estado de Educación, FP e Universidades, Montserrat Gomendio, anunciou que as bolsas para o programa Erasmus Plus que financiará o Ministerio –un total de 10 000- esixiralle ao estudante ter un nivel de idioma B2 (equivalente ao First Certificate da Universidade de Cambridge) e ter aprobados un mínimo de 60 créditos na carreira.

Fonte: 20 minutos

O Tribunal Superior de Xustiza de Cataluña resolveu fixar unha porcentaxe mínima do uso do castelán como lingua vehicular nas escolas de Cataluña en base á “doutrina consolidada do Tribunal Supremo" sobre o “dereito dos alumnos ao uso do castelán no ensino dos que si o reclamaron”.

Fonte: La Vanguardia

Os novos condutores da empresa municipal Dbus deberán acreditar que saben atender os viaxeiros en éuscaro, polo que o exame de acceso terá unha parte en lingua vasca e outra, en castelán.

Fonte: Noticias de Gipuzkoa

O Concello de Eibar porá en marcha unha nova edición do programa Berriketan, co que se quere brindar á cidadanía a oportunidade de coñecer os distintos países de orixe das persoas participantes no programa e, á súa vez, dar a oportunidade á persoa emigrada de coñecer os costumes, anécdotas e feitos históricos de Eibar, mentres se practica o idioma (castelán ou éuscaro) dunha forma lúdica.

Fonte: Diario Vasco

A Xunta pola Defensa da Lingua Asturiana (XDLA) presentou un requirimento ante a Consellería de Presidencia para que se cumpra a legalidade vixente en materia toponímica, ao tempo que denuncia como exemplo máis dun centenar de incumprimentos no Boletín Oficial do Principado de Asturias e na web do Principado.

Fonte: Asturnews

Os mozos Mikel Arribillaga García e Garbiñe Guedejo Ezenarro recibirán un premio de 400 euros da Mancomunidade de Buruntzaldea por realizar en éuscaro o carné de conducir. Os premios inclúense dentro do programa 'Gidabaimena Euskaraz' no que participan 10 autoescolas da comarca e 135 alumnos.

Fonte: Diario Vasco

A Academia Valenciana da Lingua (AVL) establece no seu Dicionario Normativo que o catalán é unha «lingua románica falada en Cataluña, así como nas illas Baleares, o departamento francés dos Pireneos Orientais, o Principado de Andorra, a franxa oriental de Aragón a cidade sarda de l’Alguer, onde recibe o nome de valenciano, e a Comunidade Valenciana».

Fonte: ABC

Os móbiles e as tablets convertéronse nunha das plataformas de ocio preferidas pola mocidade vasca. Porén, a maioría das aplicacións só están en inglés ou castelán. Ante a falta de aplicacións en éuscaro, a compañía Virtualware desenvolveu cinco videoxogos para promover e difundir o uso do idioma entre o público infantil e xuvenil.

Fonte: Diario Vasco

O Ministerio de Educación aceptou a proposta da Comunidade Valenciana para que a nova Lei orgánica de calidade educativa (LOMCE) recoñeza o nivel de idiomas dos alumnos ao final de cada etapa educativa superada e que se certifiquen os niveles de competencia na primeira lingua estranxeira cursada polo alumnado.

Fonte: La Red Comarcal