A Federación Andaluza de Asociacións de Persoas Xordas quere amosar o seu recoñecemento ao apoio da Junta de Andalucía ao alumnado xordo andaluz, que este ano volverá ter garantido en gran medida o seu acceso ao sistema educativo nas súas diversas etapas.

Fonte: El Economista

A directora para a promoción do éuscaro da Deputación Foral de Biscaia, Ana de Castro, presentou, xunto con Andoni Busquet, en representación de EUDEL, e Lander Aiarza, presidente da Mancomunidade de Txorierri, a campaña "Eman giltza-¡Fálalle, escóitao!", cuxo obxectivo é promover a transmisión do éuscaro de xeración en xeración.

Fonte: Gente Digital

O Goberno aragonés subscribiu un novo convenio de colaboración coa Generalitat para facilitar a presenza de profesores de catalán en municipios de Aragón oriental.

Fonte: ABC

O Concello de Bilbao e a rede de Euskaltegis da capital biscaíña crearon “Darabilbo, Erabili euskara Bilbon”, un proxecto que ten como obxectivo ofrecerlles aos cidadáns máis oportunidades para practicar éuscaro.

Fonte: ABC

O Parlamento catalán aprobou proseguir o trámite dunha iniciativa para presentar ao Congreso dos Deputados unha modificación lexislativa para que o catalán sexa requisito obrigatorio na Administración de Xustiza en Cataluña.

Fonte: La Vanguardia

O Hospital Sant Rafael de Barcelona deu un paso na mellora da atención de persoas xordas e incluíu no seu cadro de persoal unha auxiliar clínica con formación en lingua de signos que acompaña os pacientes con discapacidade auditiva durante toda a súa estancia no centro.

Fonte: ABC

A omisión da denominación Foruzaingoa vulneraría a lexislación sobre o uso do éuscaro nas Administracións Públicas de Navarra, que establece que todos os elementos de identificación dos servizos centrais deben redactarse en bilingüe.

Fonte: Noticias de Navarra

A Comisión de Éuscaro de Oarsoaldea, a través dos catro servizos de éuscaro da comarca, vai sortear o pan dun mes en todas as panaderías - pastelerías que participan na iniciativa ‘Eskatu ogia euskaraz! - ¡Pide o pan en éuscaro!’. O vendedor ou vendedora entregará un boleto aos clientes que pidan en éuscaro. Unha vez completado o boleto, deberá depositarse nas furnas que haberá na mesma panadería.

Fonte: Diario Vasco

“O éuscaro perdurou en Navarra porque moitos navarros optaron por aprendelo e criar os seus fillos e fillas nesta lingua”, segundo unha das conclusións da tese de doutoramento da filóloga Paula Kasares, lida na Universidade Pública de Navarra.

Fonte: Diario de Navarra

Renfe vai pór como requisito ás empresas que concursen para facerse cos servizos de restauración dos trens que cubran liñas nacionais que o seu persoal fale «con fluidez» catalán, galego e éuscaro -se son necesarios no itinerario que cobre a liña-, ademais de castelán e inglés.

Fonte: La Voz de Galicia