España
O Goberno balear estuda eliminar a obriga de rotular os comercios en catalán
O Goberno balear dixo que ten sobre a mesa a posibilidade de eliminar a obriga a establecementos de rotular en catalán, aínda que se trata dunha materia que aínda non está pechada.
Fonte: Menorca.info
Estudantes participan nun programa do Concello de Barakaldo para a promoción do éuscaro a través do teatro
O Concello de Barakaldo puxo en marcha o programa Antzerkhizkuntza, que vai dirixido aos alumnos de 2º de Educación Secundaria Obrigatoria (ESO) –é dicir, a rapaces entre 13 e 14 anos- e mestura a promoción da lingua vasca co teatro.
Fonte: Europa Press
O Ministerio de Educación convoca máis de 15 000 bolsas para cursos de inmersión en lingua inglesa
O Ministerio de Educación convocou un total de 15 00 axudas para participar en cursos de inmersión en lingua inglesa organizados pola Universidade Internacional Menéndez Pelayo. Destas, un total de 1005 axudas destínanse a titulados en Máster en Profesorado de Ensino Secundaria Obrigatoria e Bacharelato, Formación Profesional e Ensino de Idiomas e a Mestres, e 14 000 axudas para que os mozos menores de 30 anos poidan realizar un curso de similares características.
Fonte: Aprendemas
O uso do catalán en internet creceu un 1,14 % durante o 2013, segundo os datos do Barómetro do uso de catalán en internet
O incremento anual do uso do catalán en internet ao longo de 2013 foi do 1,14 % respecto ao ano 2012, segundo os datos do Barómetro de uso do catalán en internet da agrupación de Webmasters Independentes en Catalán, de Cultura e de Ámbitos Cívicos (WICCAC).
Fonte: Generalitat de Cataluña
O Concello de Errenteria organiza cursos gratuítos de éuscaro para desempregados
O Concello de Errenteria organizou varios cursos intensivos gratuítos de éuscaro para as persoas en paro empadroadas na localidade.
Fonte: Diario Vasco
O colectivo Mintzakide busca o apoio da sociedade navarra para fortalecer o seu proxecto de fomento do éuscaro
Co fin de fomentar a conversa en éuscaro xurdiu Mintzakide, un grupo de encontro e contacto entre persoas ás que lles interesa manter e practicar conversa en éuscaro. Hai máis dun mes, a organización iniciou unha campaña de crowdfunding co fin de recadar fondos para manter este proxecto e pór en marcha unha páxina web que estabeleza unha axenda coa actividade de todos os grupos de conversa de Pamplona e a comarca e que, ademais, sirva de punto de encontro para falantes de éuscaro.
Fonte: Noticias de Navarra
O rock máis visual alíase coa poboación de Lemoa para fomentar o éuscaro
O Plan de éuscaro 2013-2017 do Concello de Lemoa saíuse do habitual. O documento inclúe medidas que, ademais de facilitar o uso da lingua vasca, fomentan a implicación dos veciños do municipio. A ritmo de rock, o grupo local Larregi asina unha canción que, entoada por residentes na urbe, aspira a converterse en máis que un himno.
Fonte: El Correo
Os institutos baleares denuncian que a nova lei de linguas non mellora o nivel de inglés
A Asociación de Directores de Centros de Secundaria das Pitiusas (Adespi) denuncia que tras a posta en marcha do decreto de tratamento integrado de linguas(TIL) «non se detectou ningunha mellora na materia de inglés».
Fonte: Diario de Ibiza
O Currículo Vasco daralles máis autonomía aos centros e asentará o plurilingüismo
O novo Currículo Vasco empeza a tomar forma. Daralles máis autonomía aos centros, impulsará o plurilingüismo co éuscaro como eixe e as tecnoloxías da información, tratará a dimensión específica da lingua e cultura vascas no contexto mundial, ao tempo que desenvolverá ao máximo a educación por competencias.
Fonte: Deia
Nace un novo diario dixital en catalán
O Diari de l’Educació (Diario da Educación) é un medio de comunicación dixital que nace coa vontade de informar sobre educación en todos os seus niveis, desde as escolas de infantil ata a universidade e a investigación, cun marco de referencia catalán pero cunha perspectiva internacional.
Fonte: Generalitat de Cataluña
Boletín
Subscríbase ao boletín
