AEK, EHE, IKA, NIE, Sortzen e AET, colectivos que conforman o Movemento Social do Éuscaro, reclamáronlle ao Concello de Pamplona que lle dea a esta lingua “a posición que merece na cidade” e que “invista con responsabilidade os recursos económicos dos pamploneses” para crear novos soportes en éuscaro.

Fonte: Noticias de Navarra

A Consellería de Educación, Cultura e Universidades de Murcia proporciona a 1750 escolares de Primaria e Secundaria visitas guiadas en lingua estranxeira a lugares de interese histórico, cultural e artístico da rexión dentro do programa Descubre da iniciativa +Idiomas.

Fonte: Murcia

Os internautas cataláns elixen como idioma principal o castelán cando empregan os buscadores da rede (Google, Yahoo, Bing, etc.). Concretamente, un 57,5 % fai buscas en internet nesta lingua, mentres que un 36,8 % opta polo catalán e un 2,6 % decántase polo inglés.

Fonte: Nuevas Tecnologías

As bibliotecas da rede pública do Concello de Bilbao teñen en marcha a campaña ‘Irakurri, Gozatu eta Oparitu’, unha iniciativa para promover a lectura de textos en éuscaro que ofrece cheques-agasallo na compra de libros de cambio de comentarios dos xa lidos a través do servizo de préstamo municipal.

Fonte: Europa Press

O conxunto das administracións vascas destinaron en 2012 un total de 146 millóns de euros para o fomento e uso do éuscaro, o que supón unha achega de 68 euros por habitante. Empregaron directamente a 715 persoas. O Goberno vasco é a institución que máis diñeiro inviste (96 millóns de euros) achegando dous de cada tres euros (42 euros por habitante).

Fonte: Deia

O Departamento de Éuscaro do Concello organizou un curso de éuscaro para os comerciantes da localidade. O obxectivo do curso é que a comunicación básica entre comerciantes e clientes se realice en éuscaro: saúdos, contas, o tempo etc.

Fonte: Diario Vasco

A Fundación puntoCAT puxo en marcha a campaña “Navega en catalán”, que nace coa vontade de sensibilizar os internautas para que naveguen en catalán por internet e así contribuír a aumentar a demanda de contido nesta lingua. A campaña ten o apoio de Softcatalà e da Dirección Xeral de Política Lingüística do Departamento de Cultura.

Fonte: Generalitat de Cataluña

Baixo o lema 'Ezberdin baina berdin' o colectivo de mozos de AED programou unha festa que aglutinará diversas actividades co éuscaro como nexo de unión.

Fonte: Diario Vasco

A asociación Zenbat Gara presentou a iniciativa “Gazteola”, cuxo obxectivo é promover o uso do éuscaro no ocio e o ensino de nenos e novos de entre 6 e 19 anos. A iniciativa desenvolverá as súas actividades durante todo o ano, pero para este verán xa organizou diversos campus colonias, cursos e obradoiros.

Fonte: Deia

A plataforma en liña iNaturalist, que ofrece contidos sobre biodiversidade en inglés, traduciu todos os datos e interfaces da aplicación ao español, catalán, éuscaro e galego. iNaturalist permite rexistrar localizacións de especies, compartilas con outros usuarios e permite identificar aquelas especies descoñecidas ou dubidosas a través dunha aplicación de teléfono móbil intelixente.

Fonte: La Vanguardia