España
A radio en Cataluña escóitase maioritariamente en catalán, cun consumo nesta lingua que alcanza o 68,9 %
Malia unha lixeira diminución de consumo de radio en catalán con respecto ao ano anterior, a cota nesta lingua continúa sendo maioritaria, mentres que no caso da televisión o castelán se mantén como a lingua principal.
Fonte: El Periódico
Piden a modificación da Lei da función pública balear para recuperar o requisito de catalán no acceso á Administración
O Sindicato de Traballadores e Traballadoras Intersindical solicitoulle ao Goberno balear que modifique a lei e volva esixirse o requisito da lingua catalá para acceder ás convocatorias de emprego da Administración.
Fonte: Diari de Balears
O terceiro vídeo do proxecto Poziktibity céntrase nos dereitos lingüísticos da cidadanía vasca
Presentouse o terceiro vídeo do proxecto Poziktibity que se centra no dereito a que a Administración atenda os cidadáns na lingua que eles escollan.
Fonte: Diario Vasco
O Goberno vasco regulará os requisitos lingüísticos das empresas que opten a un contrato público
A instrución que está a elaborar o Goberno, ademais de regular os requisitos lingüísticos das empresas que opten a un contrato público, servirá de marco para o resto de administracións.
Fonte: Noticias de Gipuzkoa
O Goberno vasco asina un convenio coas entidades financeiras para garantir os dereitos lingüísticos dos clientes
Trátase dun convenio de colaboración en materia de dereitos lingüísticos entre o Goberno vasco e as principais entidades financeiras presentes en Euskadi.
Fonte: Gobierno Vasco
Preséntase unha nova gramática da lingua valenciana
Esta nova gramática do valenciano preséntase con motivo da celebración do centenario da Real Academia da Lingua Valenciana.
Fonte: Las Provincias
Unha campaña de normalización lingüística fomentará o uso social do catalán en Baleares
A campaña está prevista para 2016 e ten como obxectivo impulsar o uso do catalán en todos os ámbitos da vida social.
Fonte: UH Noticias
Tras catro anos de inactividade, Baleares recupera o Consello Social da Lingua Catalá
Tras permanecer catro anos sen actividade, anunciouse a convocatoria do Pleno do Consello Social da Lingua Catalá.
Fonte: El Día
O dicionario xurídico parlamentario do éuscaro unificará a terminoloxía que utilizan as cámaras vasca e navarra
O grupo de traballo encargado deste novo dicionario, que mantivo a súa primeira reunión, unificará os termos en éuscaro que se utilizan nas cámaras vasca e navarra, e nas xuntas xerais dos tres territorios de Euskadi.
Fonte: El Mundo
Segundo un estudo do Goberno vasco, o éuscaro supón o 4,2 % do PIB de Euskadi
O informe Valor e impacto económico del euskera conclúe que esta lingua supón o 4,2 % do PIB do País vasco, o que se traduce nuns 2800 millóns de euros, e xera 56 142 empregos.
Fonte: El Diario
Boletín
Subscríbase ao boletín
