España
Varias entidades solicitan a adaptación dun modelo común de lingua aragonesa
Son varias as asociacións que asinaron un manifesto para reclamarlle ao Goberno de Aragón un modelo común de lingua aragonesa e unha autoridade lingüística para a formación dun idioma gráfico "baseado na etimoloxía" e que reforce "as variedades referenciais".
Fonte: Aragón Digital
Unha campaña recolle sinaturas para reclamarlle a Netflix series e filmes en éuscaro
A iniciativa “Euskara Taldea” está a recoller sinaturas na plataforma Change.org para conseguir que se Netflix ofrece contidos en catalán tamén o faga en éuscaro.
Fonte: Pamplona Actual
Unha iniciativa busca incrementar o consumo de cultura en lingua catalá
“T’agradarà llegir en català” é o nome deste proxecto organizado pola Asociación de Publicacións Periódicas en Catalán (APPEC) e a Dirección Xeral de Política Lingüística de Cataluña, coa colaboración da Obra Social “la Caixa”.
Fonte: Generalitat de Catalunya
O Parlamento balear modifica a Lei de normalización lingüística
O Pleno do Parlamento modificou esta lei coa anulación das modificacións da pasada lexislatura para recuperar o consenso perdido. Desta maneira, o catalán volve ser un requisito no acceso á Administración.
Fonte: Mallorca Diario
Un programa piloto converterá o aragonés en lingua vehicular nalgúns centros públicos
O Goberno de Aragón vai impulsar a posta en marcha dun programa piloto para que o aragonés se converta en lingua vehicular nalgúns colexios e institutos públicos da comunidade autónoma.
Fonte: ABC
Nace unha asociación cuxo obxectivo é defender e fomentar o patrimonio lingüístico cántabro
Santander acolle a presentación da asociación Alcuentru cuxa finalidade é a defensa e a promoción do patrimonio lingüístico de Cantabria.
Fonte: El Faradio
Reivindican a necesidade dunha nova Lei do éuscaro
A iniciativa de modificación parte de EH Bildu por considerar que a actual lexislación, despois de 33 anos, está "desfasada". O principal obxectivo da nova lei é que os concellos conten con autonomía para aplicar unha política lingüística diferente.
Fonte: ABC
A proposta de Oferta Pública de Emprego de Educación en Navarra prevé un 70 % das prazas en éuscaro
O conselleiro de Educación presentoulles aos sindicatos da Mesa Sectorial a nova Oferta Pública de Emprego de 425 prazas das cales un 70 % son en éuscaro.
Fonte: Diario de Navarra
Pídenlle ao Goberno valenciano máis medios para a protección da lingua propia
Escola Valenciana pide medios de protección para o valenciano equivalentes aos do País Vasco ou Cataluña e salienta que o aumento nun 97 % do orzamento para a política lingüística é insuficiente.
Fonte: 20minutos
O Goberno de Asturias incrementará o orzamento para a promoción da lingua asturiana o vindeiro ano
A Consellería de Educación do Principado destinará máis fondos á Academia da Lingua Asturiana, a campañas de fomento do uso do asturiano, á actualización da política de subvencións ou a un plan para mellorar a Lei de uso e promoción da lingua, entre outros temas.
Fonte: La Nueva España
Boletín
Subscríbase ao boletín
