Escola Valenciana demanda unha lei de normalización lingüística para o valenciano e que se incremente o investimento nesta lingua para aumentar o seu prestixio e o seu uso social.

Fonte: La Vanguardia

Segundo un estudo realizado pola Plataforma pola Lingua, un de cada cinco estranxeiros sabe falar e entende o valenciano, porcentaxe que se multiplica por dous na provincia de Castellón.

Fonte: El Periódico Mediterráneo

O Concello de Oviedo e a Consellería de Educación acordaron impulsar a lingua asturiana. Entre outros temas, analizouse a posibilidade de crear un servizo de normalización lingüística municipal.

Fonte: El Comercio

A Xunta pola Defensa da Lingua Asturiana mostrou a súa decepción cos orzamentos autonómicos dedicados á política lingüística, un orzamento que supón o 0,04 % do total.

Fonte: El Comercio

O Instituto Navarro do Éuscaro destinará 1,5 millóns de euros ao fomento da lingua vasca nos ámbitos do ensino de adultos e na súa presenza nos medios de comunicación.

Fonte: Noticias de Navarra

Un grupo de nove voluntarios creou un curso de catalán na plataforma de idiomas Duolingo e en só tres días xa se anotaron 5000 persoas.

Fonte: El País

A Consellería de Saúde do Goberno vasco puxo en marcha unha batería de medidas co obxectivo de fomentar o uso do éuscaro na sanidade pública.

Fonte: El Mundo

Son un total de 4151 os estudantes que escolleron o éuscaro como lingua de aprendizaxe, o que supón o 50 % dos novos matriculados na Universidade do País Vasco.

Fonte: Noticias de Gipuzkoa

Os alumnos inmigrantes do País Vasco matriculáronse maioritariamente en modelos euscaldúns. En concreto, os 2681 estudantes de orixe estranxeira, 1163 escolleron a liña D, en éuscaro, e outros 736, a bilingüe. O resto, 782, fíxoo en castelán.

Fonte: Diario Vasco

Co obxectivo de impulsar o uso do catalán nos xogos e nos xoguetes, o Consorcio para a Normalización Lingüística (CPNL) presentou unha aplicación que permite buscar estes produtos e que conta con máis de 600 referencias.

Fonte: Finanzas