España
O TERMCAT publica un dicionario en liña con nomes de peixes en catalán
Este dicionario contén máis de 5100 denominacións catalás acompañadas dos nomes científicos correspondentes, ademais de equivalencias en varias linguas.
Fonte: Generalitat de Catalunya
O Parlamento balear debaterá en xaneiro a normalización lingüística e a recuperación do catalán
En xaneiro, trataranse as modificacións da Lei de normalización lingüística e a Lei de función pública para o fomento do uso do catalán.
Fonte: 20Minutos
Unha enquisa nas escolas infantís de Pamplona valorará as necesidades e as preferencias lingüísticas
As escolas infantís de Pamplona valorarán as preferencias sociolingüísticas das familias usuarias, de maneira que permitan deseñar iniciativas a medida.
Fonte: Diario de Navarra
Unha convocatoria de axudas do Departamento de Cultura de Cataluña incrementará o número de películas emitidas en catalán
Grazas a unha convocatoria de axudas da Dirección Xeral de Política Lingüística do Departamento de Cultura incrementarase a presenza do catalán en plataformas de vídeo e televisión.
Fonte: Generalitat de Catalunya
Preséntase unha iniciativa que prevé a organización de cursos de éuscaro especializados en deporte durante o Nadal
Athletic Club, Real Sociedad, Eibar, Alavés, Dominion Bilbao Basket, Retabet Gipuzkoa Basket, Laboral Kutxa Baskonia e o surfista Axi Muniain ofrecerán nos seus campus de Nadal cursos de éuscaro especializados en deporte.
Fonte: Gobierno Vasco
A modificación da lei de patrimonio de Aragón recoñecerá as linguas aragonesa e catalá
Os cambios nesta lei afectarán á denominación do catalán e o aragonés, que xa non se chamarán Lapao e Lapapyp, como acordara o anterior Goberno de Aragón.
Fonte: El Periódico de Aragón
A ensinanza do éuscaro a adultos será subvencionada polo Goberno de Navarra con 131 000 euros
O Goberno de Navarra subvenciona con 131 000 euros a 18 centros que imparten a ensinanza do éuscaro a adultos.
Fonte: Navarra
O valenciano empregarase en documentos do Porto de Valencia
A Academia Valenciana da Lingua asesorará lingüisticamente a Autoridade Portuaria de Valencia para utilizar o valenciano nos portais webs dos portos de Valencia, Sagunto e Gandía así como en textos e folletos destinados a público da Comunidade Valenciana.
Fonte: Valencia Plaza
Un programa da Junta de Andalucía ofrece sesións de adaptación lingüística a alumnado estranxeiro
O programa Aulas Temporais de Adaptación Lingüística da Junta de Andalucía acolle alumnado inmigrante con descoñecemento do español en 38 centros educativos da provincia de Xaén.
Fonte: Ideal
O Goberno vasco destinará máis de 45,7 millóns de euros á promoción do éuscaro
O Goberno vasco destinará case 46 millóns de euros do orzamento de 2016 a fomentar o éuscaro a través de subvencións e axudas destinadas tanto a entidades como aos cidadáns.
Fonte: Noticias de Guipuzkoa
Boletín
Subscríbase ao boletín
