España
Unhas 5500 persoas inscríbense na convocatoria do Goberno balear para a obtención do certificado de catalán
Estas probas servirán para obter os certificados oficiais de coñecementos de catalán dos niveis A2, B1, B2, C1, C2 e linguaxe administrativa.
Fonte: La Vanguardia
Publícase a nova gramática da lingua catalá
O Instituto de Estudos Cataláns (IEC) publica a súa nova gramática que se abre ás diferentes variedades lingüísticas do catalán e que flexibiliza a norma.
Fonte: La Vanguardia
O proxecto Kastanya.cat de promoción da música en catalán e en occitano finaliza cun concerto en Lleida
O proxecto Kastanya.cat, organizado pola Dirección Xeral de Política Lingüística, ten como obxectivo promover a utilización do catalán e do occitano no ámbito da música.
Fonte: Generalitat de Catalunya
Segundo un informe da Generalitat, o catalán é a lingua de uso maioritario na Administración tanto en Cataluña como en Andorra
Segundo o Informe de política lingüística 2015, que analiza o emprego do catalán na Administración nas zonas do dominio lingüístico, en Andorra este uso chega ao 86,2 %, mentres que en Cataluña alcanza o 50,5 %. No resto dos territorios a súa utilización é inferior.
Fonte: Generalitat de Catalunya
Máis de 500 institucións asinan a declaración impulsada co gallo do Día do Éuscaro
A declaración con motivo do Día do Éuscaro, que suma máis de 500 adhesións de diferentes ámbitos (política, medios de comunicación, sindicatos, ensino, cultura etc.), ten como lema "Que podo facer eu polo éuscaro?".
Fonte: Diario Vasco
Xa se coñece a empresa gañadora do premio á mellor campaña publicitaria en catalán convocado polo Goberno balear
O premio da convocatoria de 2016 foi para o Instituto Oftalmolóxico de Mallorca pola súa campaña 'No a les ulleres. Sigui revolucionari'.
Fonte: La Vanguardia
Organizan unha xornada para analizar o descenso do uso do catalán na xustiza
Esta xornada, organizada pola Avogacía Catalá e o Colexio de Avogados de Sant Feliu, ten como obxectivos analizar as causas do descenso na utilización do catalán no ámbito da xustiza, así como buscar solucións a este feito.
Fonte: Abogacía
Un informe alerta sobre o descenso no uso do catalán na universidade
Segundo un estudo, a utilización do catalán foi diminuíndo nas universidades dos territorios nos que se fala esta lingua.
Fonte: El Nacional
Reivindican a defensa da lingua galega na Festa do Cocido de Ponferrada
Un ano máis Ponferrada celebrou a súa Festa do Cocido Galego na que se exaltóou a unión entre O Bierzo e Galicia e se reivindicou a necesidade de conservar a lingua galega.
Fonte: InfoBierzo
A Deputación de Valencia pon en marcha un programa de asistencia lingüística aos concellos
O programa de asistencia lingüística para os concellos das comarcas de Valencia ten como obxectivo facilitar a redacción e a publicación dos anuncios municipais en valenciano e en castelán.
Fonte: Las Provincias
Boletín
Subscríbase ao boletín
