España
Unha tese propón que as catro linguas máis faladas de España sexan oficiais en todo o Estado
Vicenta Tasa, autora da tese, propón unha modificación da Constitución no seu artigo 3 para que as catro linguas máis faladas de España (castelán, catalán/valenciano, galego e éuscaro) sexan oficiais en todo o Estado.
Fonte: El Periodic
A Consellería valenciana de Educación lanza un novo decreto de ensino plurilingüe
A nova proposta inclúe un modelo plurilingüe dividido en tres niveis segundo a maior ou menor presenza do valenciano e o inglés.
Fonte: Información
O Concello de Valencia disporá de voluntariado para ensinarlle valenciano ao persoal municipal
O Concello de Valencia proponse reforzar o ensino do valenciano para o persoal municipal. Para iso contará por primeira vez cun programa de voluntariado, un proxecto de participación lingüística co que se porán en contacto persoas voluntarias falantes de valenciano con outras persoas que queiran aprender esta lingua ou perfeccionala.
Fonte: Valencia Noticias
O concello vasco de Errentería acolle o peche do proxecto de diversidade lingüística Tosta 2016
O proxecto de diversidade lingüística e cultural entre nacións atlánticas tivo como protagonistas artistas que traballan con linguas como o galego, o vasco ou o irlandés.
Fonte: Sermos Galiza
O consello de organismos sociais do éuscaro, Kontseilua, presenta propostas para promover a lingua vasca
Algunhas das devanditas propostas son universalizar o coñecemento da lingua, garantir un sistema educativo en éuscaro ou facilitarlles a aprendizaxe do idioma aos adultos de forma gratuíta.
Fonte: Diario Vasco
O Concello de Vitoria destinará máis de 800 000 euros a cursos de éuscaro
Un total de 812 375 euros destinaranse para cursos de éuscaro impartidos nos centros cívicos da cidade, dirixidos a pais, maiores de 55 anos, comerciantes, hostaleiros e estranxeiros.
Fonte: Noticias de Álava
Unha nova edición do dicionario inglés-éuscaro dobra o contido da anterior edición de 2007
Esta nova edición, publicada pola editorial Elhuyar en colaboración coa editorial Collins, ten un total de 64 270 unidades léxicas, 86 150 acepcións e 21 400 exemplos.
Fonte: Noticias de Gipuzkoa
España é o terceiro país da Unión Europea con menos adultos que falan unha lingua estranxeira
Segundo a Oficina Estatística da Unión Europea, España é o terceiro país da UE con menos adultos que falen unha lingua estranxeira, cun 49 % de persoas que non falan ningunha.
Fonte: El Día
Varias entidades impulsan un manifesto a prol do catalán
Entidades de Cataluña, Comunidade Valenciana e Baleares, agrupadas na Federación Llull, presentan o Manifesto de Randa, un documento en favor do catalán.
Fonte: El Nacional
As probas de aceso á avogacía estarán dispoñibles en galego, éuscaro, catalán e valenciano
Un convenio entre o Ministerio de Xustiza e as comunidades autónomas de Galicia, País Vasco, Cataluña e Valencia permitirá elaborar as probas de acceso á avogacía nestes idiomas.
Fonte: Europa Press
Boletín
Subscríbase ao boletín
