España
O I Premio Nacional de Literatura Asturiana outorgarase a autores con traxectoria nesa lingua
A creación deste premio por parte da Academia da Lingua Asturiana permitirá recoñecer o labor normalizador da creación literaria en asturiano.
Fonte: La Nueva España
Segundo unha enquisa, o 80 % da poboación catalá quere máis ensino de catalán para persoas inmigrantes
Esta enquisa sinala que oito de cada dez cataláns está de “acordo ou moi de acordo” en que se dedique maior esforzo ao ensino de lingua catalá ás persoas inmigradas.
Fonte: La Vanguardia
Unhas xornadas revelan que o uso do catalán retrocede entre a xente nova da zona oriental de Huesca
Entre as conclusións presentadas nas xornadas de debate Cinga-Fórum sinálase que un 20 % dos mozos pertencentes a familias catalanfalantes se comunica habitualmente en castelán.
Fonte: Canal Lietra
O Concello de Éibar aproba o Plan Estratéxico do Éuscaro para os próximos dez anos
Este plan estará centrado nos menores e na xente nova, así como na súa contorna, isto é, a familia, a escola, o ocio, a cultura ou o ámbito socioeconómico.
Fonte: Cadena Ser
Un estudo afirma que os falantes bilingües poden prever o idioma no que falará o seu interlocutor vendo a súa cara
O estudo, realizado polo centro de investigación vasco Basque Center on Cognition, Brain and Language (BCBL), chega á conclusión de que os falantes bilingües activan no seu cerebro o idioma adecuado antes de recibir sinal lingüístico ningún.
Fonte: Heraldo
O proxecto Jendaurrean Erabili busca mellorar a comunicación pública en éuscaro
Este proxecto, promovido polo Clúster de Sociolingüística, ten como obxectivo crear unha rede de cooperación para facilitar e mellorar a comunicación pública en éuscaro.
Fonte: Eitb
O Instituto de Estudos Cataláns presenta a nova “Ortografía da lingua catalá”
Esta nova proposta de ortografía do catalán ten como principais cambios a redución das palabras con acento diacrítico e a perda do acento dos compostos e derivados destes.
Fonte: El País
Comeza a sexta edición do posgrao en lingua aragonesa no Campus de Huesca
Esta titulación, o Diploma de Especialización en Filoloxía Aragonesa, acollerá máis de vinte estudantes que se formarán en competencias comunicativas, orais e escritas en aragonés.
Fonte: Radio Huesca
A cuarta edición dos premios Lazarraga galardoará as empresas e as persoas que fomenten o éuscaro
Estes premios teñen o obxectivo de premiar o impulso da lingua vasca no ámbito socioeconómico de Áraba, tendo en conta variables como a realización do traballo en éuscaro, os recursos, as contratacións, a documentación interna ou o contorno do idioma.
Fonte: Gasteiz Hoy
A iniciativa Comerçlocal.cat impulsará a creación de webs en catalán entre os comerciantes locais
Esta iniciativa ten como obxectivo principal promover webs en catalán no comercio local, para o que se creará unha páxina web de balde para os comerciantes que adquiran un dominio .cat.
Fonte: Generalitat de Catalunya
Boletín
Subscríbase ao boletín
