España
Máis de 60 centros educativos en Aragón promoverán actividades de fomento do aragonés e o catalán
O Goberno de Aragón porá en marcha en máis de 60 centros de ensino actividades independentes ás clases de aragonés e catalán grazas a un aumento do orzamento dedicado aos programas de fomento destas linguas.
Fonte: El Periódico de Aragón
A Deputación Foral de Biscaia convoca axudas para elaborar produtos que fomenten a presenza do éuscaro nas TIC
O Departamento de Cultura da Deputación de Biscaia destinará 160 000 euros á convocatoria de axudas para elaborar produtos que fomenten a presenza do éuscaro nas tecnoloxías da información e da comunicación.
Fonte: Gobierno Vasco
A Fundación do Español Urxente escolle "populismo" como palabra do ano 2016
O equipo da Fundación do Español Urxente seleccionou este ano "populismo", unha palabra orixinalmente neutra que se foi enchendo de connotacións ata converterse nunha arma no debate político.
Fonte: Fundéu
Un proxecto busca o desenvolvemento da cooperación transfronteiriza e a transferencia de coñecemento en tecnoloxías da lingua
Forman parte do proxecto Linguatec organizacións vinculadas ao aragonés, o éuscaro e o occitano, como linguas pirenaicas, así como o catalán, o castelán e o francés, que se unen para desenvolver novas tecnoloxías relacionadas coa lingua e o turismo.
Fonte: AraInfo
As familias guipuscoanas prefiren para as súas fillas e fillos nomes curtos e en éuscaro
Debido a cambios políticos, sociais e culturais ao longo de todo un século, as familias guipuscoanas foron modificando as súas preferencias á hora de poñerlles nomes ás súas fillas e fillos. Así, a tendencia nas últimas décadas foi decantarse por denominacións máis curtas, pagás e en éuscaro.
Fonte: Noticias de Gipuzkoa
O Barómetro do uso do catalán en internet sinala que o 65 % dos webs analizados inclúe esta lingua
Os datos do Barómetro do uso do catalán en internet, realizado por WICCAC, sinalan que a porcentaxe de webs que están nesta lingua ou que a inclúen entre as súas opcións alcanzou o 65 % no mes de decembro de 2016.
Fonte: Generalitat de Catalunya
O certificado EGA de coñecemento do éuscaro mantén o Q de calidade ata 2021
A certificación EGA (Euskararen Gaitasun Agiria) revalidou o Q de calidade, conseguido por primeira vez en 2011 e que manterá ata 2021. Trátase do único certificado con este recoñecemento na acreditación do éuscaro.
Fonte: Noticias de Gipuzkoa
O Goberno de Cataluña pagaralles 14 euros aos avogados que presenten os seus escritos en catalán
Debido ao descenso do uso do catalán no ámbito xurídico, a Generalitat decidiu intentar reverter esta tendencia mediante unha iniciativa pola que se lles pagará 14 euros aos avogados de oficio por cada escrito que presenten nos xulgados nesta lingua.
Fonte: El País
Segundo un estudo, só un 11% da poboación española está estudando unha lingua estranxeira
Segundo datos do Barómetro do Centro de Investigacións Sociolóxicas, só un de cada dez maiores de 18 anos estuda unha lingua estranxeira. Deles, a maioría (77,9%) está aprendendo inglés, lingua á que seguen, a moita distancia, o francés (11%) e o alemán (7,8%).
Fonte: 20minutos
O Goberno balear organiza cursos para nais e pais non catalanfalantes do alumnado dos centros do arquipélago
O obxectivo destes cursos, organizados pola Dirección Xeral de Política Lingüística, é axudar aos pais e nais a adquirir coñecementos básicos de catalán para que poidan comprender as comunicacións do seu centro educativo.
Fonte: Última Hora
Boletín
Subscríbase ao boletín
