España
O 25 % do alumnado de primeiro de carreira da Universidade de Navarra cursa algunha materia en éuscaro
Desde a Universidade Pública de Navarra opinan que se debe seguir traballando para aumentar a docencia en éuscaro.
Fonte: Noticias de Navarra
O Termcat publica un novo dicionario en liña dedicado á química orgánica e inorgánica
Este dicionario en liña publicado polo Termcat inclúe máis de 800 termos dos campos da química orgánica e inorgánica. Cada entrada contén as denominacións catalás do termo acompañadas da súa categoría léxica e os seus equivalentes en inglés e castelán.
Fonte: Generalitat de Catalunya
Donostia acollerá a presentación do Atlas de Linguas do Mundo da Unesco
O vindeiro 16 de decembro a Unesco presentará en Donostia o seu Atlas das Linguas do Mundo, que inclúe todos os idiomas existentes co obxectivo de dar a coñecer a diversidade lingüística mundial.
Fonte: Noticias de Gipuzkoa
Aumenta o número de euscaldúns na provincia de Áraba, malia que o éuscaro continúa a ser minoritario
Segundo un estudo, os euscaldúns arabeses pasaron 15 ao 20 % en cinco anos, o problema é que, malia coñecer o éuscaro, apenas o 6 % deles o fala habitualmente.
Fonte: EiTB
O Goberno de Navarra rotulará de forma bilingüe os carteis viarios de entrada á Comunidade Foral
Todos os carteis que indican a entrada á Comunidade Foral de Navarra na Rede de Estradas estarán en castelán e en éuscaro, independentemente da súa localización en zona vascófona, mixta ou non vascófona.
Fonte: Noticias de Navarra
O Goberno de Aragón organiza uns obradoiros infantís para ensinar aragonés
O obxectivo destes obradoiros, impulsados polo Goberno de Aragón e patrocinados por Ibercaja, é que os nenos aprendan aragonés a través de actividades lúdicas.
Fonte: ABC
Barcelona acolle a IV Asemblea Xeral da Rede Europea pola Igualdade das Linguas
As linguas minorizadas esixiron a protección da Comisión Europea nesta asemblea da Rede Europea pola Igualdade das Linguas (ELEN). O galego estivo presente a través da Mesa pola Normalización Lingüística, cuxo presidente, Marcos Maceira, asumiu unha das vicepresidencias da ELEN.
Fonte: Praza Pública
Ponse en marcha unha iniciativa en Donostia para promover o uso do éuscaro no comercio
Máis de mil comercios de Donostia mostran nos seus escaparates o distintivo co que se informa a clientela de que pode recibir atención en éuscaro.
Fonte: Noticias de Gipuzkoa
Recorren as probas de acreditación do perfil lingüístico do Servizo Vasco de Saúde para que participe o persoal eventual
O sindicato LAB vai recorrer a convocatoria extraordinaria de probas de acreditación do perfil lingüístico do Servizo Vasco de Saúde para que participe tamén nelas o persoal eventual.
Fonte: El Correo
As direccións xerais de Política Lingüística de Cataluña, Baleares e Comunidade Valenciana unen forzas para promover o catalán
A direccións xerais de Política Lingüística destes territorios reuníronse para debater as formas de traballar conxuntamente para poder impulsar o catalán.
Fonte: Generalitat de Catalunya
Boletín
Subscríbase ao boletín
