España
Máis da metade da poboación de Bilbao sabe falar en éuscaro
Segundo os datos do Concello de Bilbao, en 30 anos multiplicouse por catro o número de euscaldúns na cidade e o 51,2% da poboación sabe éuscaro.
Fonte: Deia
Durante 2016 creáronse en Cataluña máis de 10 000 novas parellas lingüísticas
O Voluntariado pola Lingua propiciou durante o 2016 a creación dun total de 10 018 parellas lingüísticas, un número semellante ao ano anterior. Dende o seu nacemento en 2003, este programa superou as 110 000 parellas.
Fonte: Generalitat de Catalunya
Barcelona acolle un encontro de diarios europeos en linguas minoritarias
A asociación Midas, que integra unha trintena de diarios publicados en linguas minoritarias europeas, celebra na capital catalá a súa asemblea anual.
Fonte: Regió7
Pamplona acollerá unha xornada sobre deporte e éuscaro
O Goberno de Navarra e Euskarabidea organizaron para o vindeiro xoves 27 de abril unha xornada titulada 'Deporte y euskera, reflexiones y desafíos'.
Fonte: Navarra Información
Ponse en marcha unha iniciativa para a creación dunha webserie en éuscaro
A iniciativa audiovisual Next Station Club impulsa unha convocatoria para seleccionar proxectos realizados en éuscaro co obxectivo de crear unha webserie producida integramente nesta lingua.
Fonte: Deia
O Goberno de Navarra impulsa a denominación bilingüe de todos os municipios navarros
O Goberno navarro modificará os sinais de todos os municipios de Navarra para que recollan a súa denominación en bilingüe (castelán e éuscaro), mesmo os da zona non vascófona.
Fonte: Navarra.com
Aragón crea a súa propia Academia da Lingua para regular o aragonés e o catalán
A creación desta Academia da Lingua ten como obxectivo que se converta no organismo de regulación lingüística para as linguas minoritarias que se falan nesta comunidade: o aragonés e o catalán.
Fonte: Finanzas
O Goberno vasco destina 760 000 euros ao fomento do éuscaro
Este orzamento estará destinado a proxectos de fomento e consolidación do uso do éuscaro en ámbitos non formais, especialmente os que se levan a cabo no tempo de lecer.
Fonte: Deia
O Goberno catalán pon en marcha novas medidas de fomento do occitano
Entre as novas medidas de fomento do occitano figura a dedución fiscal en 2018 das doazóns feitas en 2017 para actividades de promoción desta lingua.
Fonte: Generalitat de Catalunya
Reclaman maior recoñecemento para as linguas minoritarias de Aragón
O director xeral de Política Lingüística do Goberno de Aragón reclamou no Senado un maior recoñecemento para as linguas minoritarias que se falan nesta comunidade: o catalán e o aragonés.
Fonte: Heraldo
Boletín
Subscríbase ao boletín
