España
A Universidade de Mondragón premia os proxectos de fin de grao en éuscaro
O alumno da Facultade de Empresariais Mikel Irusta Zurikarai resultou gañador do primeiro premio polo seu proxecto en éuscaro polo que recibirá 1500 euros.
Fonte: Noticias de Gipuzkoa
Preséntase o InformeCAT 17 con datos sobre a situación do catalán nos territorios onde se fala
O InformeCAT17 ten como obxectivo impulsar o uso social e a concienciación sobre a situación do catalán e a mellora do seu status legal.
Fonte: Plataforma per la Llengua
Unha campaña anima os internautas a configurar ordenadores e móbiles en éuscaro
A Fundación PuntuEUS, Code Sintax, a Federación de Ikastolas e Kontseilua presentaron a iniciativa "Tamén en Internet, a primeira palabra, en éuscaro" co obxectivo de animar os usuarios a que configuren os seus ordenadores e teléfonos nesta lingua.
Fonte: Diario Vasco
O Parlamento vasco rexeita un cambio na política de perfís lingüísticos
O Parlamento debateu sobre o tratamento do éuscaro nas convocatorias de emprego público do Goberno vasco.
Fonte: Diario Vasco
Segundo un estudo, a metodoloxía Eusle permite un aumento no uso cotián do éuscaro
O estudo Aldahitz Ikerketa.Eusle metodologia esperientzien emaitzak 2013-2016 mostra os resultados das experiencias baseadas na metodoloxía Eusle en diferentes entidades públicas e privadas, que indican unha notable melloría no uso cotián do éuscaro.
Fonte: Naiz
A Generalitat Valenciana incrementa un 20% as axudas á promoción do uso do valenciano
A convocatoria de subvencións para a promoción do uso do valenciano conta cunha partida de 6 millóns de euros e está dirixida a medios de comunicación; concellos, mancomunidades e entidades locais; asociacións e entidades sen ánimo de lucro, e ao sector editorial.
Fonte: 20minutos
O Concello de Vitoria destinará 70 000 euros a subvencións para proxectos de promoción do uso do éuscaro
O Concello de Vitoria realizará unha convocatoria de subvencións para proxectos de fomento do uso do éuscaro durante o curso 2017-2018.
Fonte: La Vanguardia
A Oficina da Lingua Aragonesa elabora un folleto informativo con dúbidas sobre o aragonés
O Concello de Huesca, a Comarca de la Hoya de Huesca e o Goberno de Aragón editaron arredor de 7000 exemplares deste folleto sobre o aragonés.
Fonte: Diario de Alto Aragón
Preséntase un mapa da Comunidade Valenciana que pon en valor o patrimonio lingüístico do territorio
A Academia Valenciana da Lingua colaborou con este documento na corrección da toponimia en valenciano. O mapa inclúe ademais información pouco frecuente, como topónimos da xeografía mariña.
Fonte: El Diario
O Goberno de Navarra convoca axudas para a utilización do éuscaro en medios de comunicación
O Boletín Oficial de Navarra publicou a convocatoria de axudas para a utilización do éuscaro nos medios de comunicación que está dotada cun orzamento de 580 000 euros.
Fonte: El Diario
Boletín
Subscríbase ao boletín
