España
O Concello de Pamplona encárgalle á Real Academia da Lingua Vasca facer un estudo sobre o nomenclátor da cidade
Este estudo analizará a versión en éuscaro do nomenclátor das rúas de Pamplona, co obxectivo de aprobar de forma oficial o rueiro da cidade.
Fonte: Pamplona Actual
A Generalitat de Catalunya organiza un ciclo de cine infantil en catalán que chegará a máis de 50 localidades
CINC, o programa de cinema infantil en catalán, levará a 51 municipios de Cataluña e 2 da Franxa de Aragón un total de 36 películas dobradas nesta lingua.
Fonte: Generalitat de Catalunya
O Concello de Cangas de Narcea convoca o XIV Concurso de Relatos Curtos en Asturiano
Con este concurso preténdese enriquecer as letras asturianas, así como dignificar a súa lingua.
Fonte: Asturies.com
O Goberno catalán analizará a situación da lingua catalá no arquipélago balear
A Generalitat subscribirá un convenio co Goberno balear e a Universidade das Illas Baleares para colaborar na realización dunha enquisa sobre coñecementos e usos lingüísticos da poboación do arquipélago.
Fonte: Generalitat de Catalunya
Madrid acollerá un encontro dos profesores de éuscaro dos centros vascos de Europa
O Encontro Anual de Irakasles, que se realizará en Madrid, ten como obxectivo compartir experiencias, aclarar dúbidas e obter recursos, ideas e ferramentas para mellorar as clases de éuscaro.
Fonte: Euskalkultura
Convócanse os cursos de promoción de coñecementos de valenciano dirixidos ao persoal da Administración
Os cursos de promoción de coñecementos de valenciano, convocados pola Consellería de Educación, Investigación, Cultura e Deporte, están destinados ao persoal non docente da Generalitat e de calquera empresa pública ou privada que traballe para a Administración valenciana.
Fonte: Valencia Noticias
Unhas xornadas afondan no coñecemento da lingua e a literatura aragonesas
Huesca acolle a sétima edición destas xornadas que teñen como obxectivo afondar no coñecemento da lingua aragonesa e da súa literatura da man de especialistas na materia.
Fonte: 20minutos
O Goberno navarro presenta un plan para fomentar a aprendizaxe do éuscaro e o seu uso en todos os ámbitos da sociedade
O Plan estratéxico de política lingüística 2016-2019 está a ser sometido a participación pública da cidadanía e con el preténdese fomentar a aprendizaxe do éuscaro e impulsar e estender o seu uso social.
Fonte: Pamplona Actual
O Congreso rexeita que o coñecemento das linguas cooficiais sexa un requisito para os profesionais da Xustiza
O Congreso dos Deputados rexeitou que o coñecemento das linguas cooficiais sexa un requisito para os maxistrados, os xuíces e os fiscais da Administración de Xustiza que exercen a súa profesión en Galicia, Cataluña, País Vasco, illas Baleares e Comunidade Valenciana.
Fonte: Generalitat de Catalunya
O Concello de Pamplona estudará o uso do éuscaro nas rúas da cidade
A asociación Soziolinguistika Kluster será a encargada de estudar a utilización que se fai do éuscaro en Pamplona co obxectivo de avaliar e planificar as políticas lingüísticas municipais.
Fonte: Noticias de Navarra
Boletín
Subscríbase ao boletín
