España
A lingua asturiana está presente nas actividades de verán de Xixón
O grupo municipal Xixón Si Pode celebra o cumprimento do Plan de normalización do asturiano durante as actividades de verán do Concello, xa que esta lingua está a ter presenza nelas.
Fonte: Asturies.com
Os municipios de Canals e Llosa únense ao Plan de normalización lingüística da Deputación de Valencia
O Plan de normalización lingüística da Deputación de Valencia estendeuse no ano 2017 a dez municipios, entre os que se atopan Canals e a Llosa de Ranes. Este proxecto ten o obxectivo de impulsar o uso da lingua valenciana e diríxese a localidades que non dispoñen de persoal técnico no eido lingüístico.
Fonte: Levante-EMV
Critican a falta de cumprimento da normativa lingüística no eido da sanidade por parte do Goberno de Baleares
O sindicato STEI Intersindical criticou a falta de cumprimento da normativa lingüística no eido da sanidade por parte do Goberno das illas Baleares, destacando "o pouco respecto e sensibilidade do Executivo autonómico cara á lingua catalá e aos usuarios da sanidade pública".
Fonte: La Vanguardia
A Consellería de Educación da Comunidade Valenciana limita a consulta dos proxectos lingüísticos dos centros
A Consellería de Educación da Comunidade Valenciana eliminou do seu sitio web os datos sobre os proxectos lingüísticos dos centros educativos. Fronte ás críticas de plataformas contrarias ao novo modelo lingüístico proposto, o Goberno valenciano indicou que a supresión destes datos responde á suspensión cautelar do decreto de 2017.
Fonte: Las Provincias
O Goberno das illas Baleares rectifica e esixirá o coñecemento de catalán para acceder a prazas de sanidade
O Servizo de Saúde de Baleares indicou que está a traballar na modificación da resolución sobre coñecementos de catalán publicada no Boletín Oficial, que eximía da esixencia da lingua catalá para acceder a prazas de persoal sanitario.
Fonte: El Mundo
O Goberno de Cataluña dedicará o ano 2018 á figura do gramático Pompeu Fabra
O Goberno de Cataluña acordou as conmemoracións oficiais do ano 2018, onde salienta o festexo do 150 aniversario do nacemento de Pompeu Fabra e dos 100 anos da publicación da Gramática catalá normativa. Deste xeito, durante o ano levaranse a cabo varias actividades para recoñecer o labor do gramático.
Fonte: Generalitat de Catalunya
O conselleiro vasco de Cultura e Política Lingüística participa na inauguración do Cine Vasco da 65 edición de Zinemaldia
Bingen Zupiria, o conselleiro de Cultura e Política Lingüística, participou na presentación do Cine Vasco da 65 edición de Zinemaldia, que permitirá a proxección de catorce películas vascas en oito seccións. Ademais, sete producións buscarán conseguir o premio Irizar Euskal Zine Saria.
Fonte: NoticiasPress.es
Ábrese o período de matriculación para os cursos de éuscaro en Vitoria
A oferta do Concello de Vitoria para o curso 2017-2018 é de 101 grupos de distintos niveis que están dirixidos a diferentes colectivos: pais e nais, maiores de 55 anos, persoal do comercio e a hostalería e persoas estranxeiras.
Fonte: Gasteiz Hoy
O Concello de Donostia ofrecerá cursos gratuítos de éuscaro para persoas desempregadas en outono
O Concello de Donostia ofrecerá cursos de balde de lingua vasca para persoas desempregadas en outono de 2017. O prazo de inscrición finaliza o 21 de setembro, mentres que os cursos darán comezo o día 5 de outubro.
Fonte: Noticias de Gipuzkoa
Publícase unha colección de experiencias para impulsar o uso do éuscaro
A asociación Bagera Donostiako Euskaltzaleen Elkartea publicou, xunto á Deputación foral de Guipúscoa, unha colección de experiencias para promover o uso da lingua vasca a través da incidencia en ámbitos lingüísticos.
Fonte: 20 minutos
Boletín
Subscríbase ao boletín
