España
A Xunta pola Defensa da Lingua Asturiana segue buscando apoios para o "Proxecto 2018 pola Oficialidade"
A Xunta pola Defensa da Lingua Asturiana contactou con Carmen Moriyón, alcaldesa de Xixón, e Adrián Barbón, candidato á secretaría xeral da Federación Socialista Asturiana e alcalde de Llaviana, para buscar apoios ao "Proxecto 2018 pola Oficialidade", que pretende reformar o Estatuto de Autonomía para recoñecer a oficialidade do asturiano e do galego-asturiano.
Fonte: Asturies.com
O Tribunal Superior de Xustiza da Comunidade Valenciana anula parcialmente o Decreto do plurilingüismo
A Sala do Contencioso-Administrativo do Tribunal Superior de Xustiza da Comunidade Valenciana determinou a nulidade parcial do Decreto 9/2017 sobre plurilingüismo, pois entende que discrimina o alumnado que opta pola ensinanza en lingua castelá.
Fonte: La Gaceta
O Goberno do País Vasco convoca axudas para elaborar materiais curriculares en éuscaro
O Consello do Goberno Vasco aprobou unha convocatoria de axudas para elaborar materiais curriculares en lingua vasca. A estas axudas destinaranse 100 000 euros.
Fonte: 20minutos
A Dirección Xeral de Política Lingüística de Cataluña impulsa un novo recurso para aprender occitano-aranés
A Dirección Xeral de Política Lingüística do Departamento de Cultura comezou o proxecto "Dictadas en linha", un recurso que busca facer máis doada a aprendizaxe do occitano a través de ditados nas modalidades aranesa e referencial.
Fonte: Generalitat de Catalunya
A Deputación de Biscaia concédelle unha axuda de 355 000 euros á Real Academia da Lingua Vasca
A Deputación Foral de Biscaia aprobou unha axuda de 355 000 euros para contribuír á actividade da Real Academia da Lingua Vasca-Euskaltzaindia. A subvención dedicarase ao impulso e difusión do labor da Academia.
Fonte: ABC
O Goberno navarro impulsa un servizo de acceso ao éuscaro para inmigrantes
Xa está en funcionamento o Servizo de atención e asesoramento para inmigrantes de Navarra, que impulsou o Goberno navarro nos Servizos Sociais da Comunidade. O servizo facilitará a aprendizaxe das linguas oficiais de Navarra.
Fonte: Navarra Información
O acordo entre a Deputación de Barcelona e o Departamento de Cultura impulsa o catalán no eido empresarial
A Deputación de Barcelona e o Departamento de Cultura, a través da Dirección Xeral de Política Lingüística, asinaron, en novembro de 2016, un acordo para impulsar o uso do catalán. Este convenio ofreceu 54 cursos de lingua catalá, 16 recursos lingüísticos e a tradución de cinco normas ISO/UNE.
Fonte: Generalitat de Catalunya
O Concello de Paterna abre a convocatoria para presentarse á Distinción do Mérito Lingüístico
O Concello de Paterna abriu o prazo para presentarse á Distinción 9 de outubro ao Mérito Lingüístico, que se concede a persoas, entidades ou colectivos que tiveran un papel relevante no uso, promoción ou ensinanza da lingua valenciana.
Fonte: Hortanoticias
O sector da panadería de Barcelona recibirá formación en lingua catalá
O Consorcio pola Normalización Lingüística e o Gremio de Panadeiros da Provincia de Barcelona asinaron un acordo para desenvolver sesións de formación en catalán para os profesionais do sector da panadería.
Fonte: Generalitat de Catalunya
Seis empresas daranlle visibilidade ao asturiano na Feira de Mostras de Asturias
Iniciativa polo Asturiano participará na Feira Internacional de Mostras de Asturias, onde contará cun espazo compartido con empresas que fomentan o uso da lingua asturiana.
Fonte: El Comercio
Boletín
Subscríbase ao boletín
