Galicia
A Xunta lanza a cuarta edición do programa de intercambio literario para reforzar a proxección internacional das letras galegas
A Xunta de Galicia acaba de lanzar a convocatoria da cuarta edición do programa de intercambio literario, que ten como obxectivo reforzar a proxección internacional das letras galegas.
Fonte: O Portal da Lingua Galega
A Real Academia Galega actualiza o seu dicionario coa incorporación de novas entradas
A Real Academia Galega engadiu na última actualización do seu dicionario corenta voces, así como novas acepcións ou melloras na redacción doutras vinte entradas.
Fonte: Real Academia Galega
A Xunta potencia a música actual en galego na I edición do festival “Aquí tamén se fala”
O secretario xeral de Política Lingüística, Valentín García, participou na presentación da I edición do festival “Aquí tamén se fala”, impulsado polo IES coruñés Rafael Dieste co apoio da Xunta, o Concello e a Deputación da Coruña, entre outros.
Fonte: O Portal da Lingua Galega
A Xunta subvenciona con 270 000 euros 30 proxectos de escrita de guións para novas películas e series
A Xunta de Galicia fai pública a resolución da convocatoria de subvencións para a escrita de guións audiovisuais, unha nova liña de apoio ao sector lanzada por primeira vez este ano e a través da que o Goberno galego outorga 270 000 euros a 30 proxectos orixinais ou de adaptacións literarias que teñen como destino a produción de longametraxes cinematográficas ou de series para televisión.
Fonte: O Portal da Lingua Galega
A Mesa pola Normalización Lingüística solicita que se garanta o dereito a usar o galego nas comisarías de policía
Esta demanda do dereito a usar o galego en todas as comisarías de policía de Galicia prodúcese despois da queixa dunha veciña de Pontevedra que foi acusada por un axente de falta de respecto á autoridade por insistir no seu dereito a ser atendida nesta lingua.
Fonte: Galicia Confidencial
José López sinala o compromiso do Goberno galego coa promoción da lingua entre a mocidade investigadora
O conselleiro de Cultura, Lingua e Xuventude, José López, e o reitor da Universidade de Santiago de Compostela (USC), Antonio López, participaron no acto de entrega dos XIX Premios á Calidade Lingüística, uns galardóns promovidos pola USC co apoio da Xunta de Galicia co fin de impulsar o uso da lingua galega na elaboración e na defensa oral dos traballos desenvolvidos polo alumnado da universidade compostelá.
Fonte: O Portal da Lingua Galega
A Universidade de Santiago convoca unha nova edición do Concurso literario Mazarelos
Este certame ten como obxectivo fomentar a creatividade da mocidade universitaria e desenvolver a súa capacidade de expresión en lingua galega, así como descubrir potenciais figuras no ámbito literario. Poden presentarse obras de calquera xénero cunha extensión máxima de 8000 palabras.
A cidade portuguesa de Braga convértese en epicentro da reflexión sobre a relación entre Galicia e os países lusófonos
O secretario xeral de Política Lingüística, Valentín García, participou na apertura oficial do XIV Congreso Internacional da Asociación Internacional de Estudos Galegos (AIEG), que arranca na cidade portuguesa de Braga e cuxo obxectivo é crear un espazo para a reflexión sobre a relación entre Galicia e os estudos galegos e a denominada lusofonía.
Fonte: O Portal da Lingua Galega
O Concello da Coruña organiza unha nova edición do festival de narración oral en galego «Falando a Boca Chea»
Este festival celébrase no Forum Metropolitano da Coruña ata o 20 de abril e inclúe sesións para todos os públicos, así como algunhas específicas para nenas e nenos de 2 a 4 anos.
Fonte: Consello da Cultura Galega
José López destaca o firme compromiso coa lingua e cultura de Galicia na súa primeira visita ao Consello da Cultura Galega
O conselleiro de Cultura, Lingua e Xuventude, José López, destacou o firme compromiso da Xunta coa lingua e cultura de Galicia na súa primeira visita institucional ao Consello da Cultura Galega, onde tivo oportunidade de manter un encontro coa súa presidenta, Rosario Álvarez.
Fonte: O Portal da Lingua Galega
Boletín
Subscríbase ao boletín
