Galicia
A Estrada acolle a primeira das actividades do Día dos Medios en Galego
A Asociación de Medios en Galego (Amega) conmemora o Día dos Medios en Galego cun programa de actividades que inclúe diferentes rutas xornalísticas en varias vilas galegas.
Fonte: Consello da Cultura Galega
A Xunta e o Concello de Arteixo achéganlle á rapazada a figura de Manuel Murguía co gallo do centenario do seu pasamento
A Xunta de Galicia e o Concello de Arteixo poñen o broche de ouro a un ano de conmemoracións arredor do centenario do pasamento de Manuel Murguía achegándolle á rapazada do municipio a figura do patriarca das Letras Galegas, oriúndo de Arteixo.
Fonte: O Portal da Lingua Galega
O Festival Converxencias Portugal-Galicia celebra a súa 10ª edición cunha ampla programación cultural na que colabora a Xunta
O Festival Converxencias Portugal-Galicia chega á súa 10ª edición cunha ampla programación cultural composta por música, teatro, danza e literatura que se repartirá do 3 de febreiro ao 9 de marzo entre as localidades de Braga, Ponteareas, A Estrada, Padrón e Santiago de Compostela co apoio da Xunta de Galicia.
Fonte: O Portal da Lingua Galega
Unha alumna da Universidade de Heidelberg investiga o uso do galego en Instagram
A italiana Lisamaria Fabro, alumna de mestrado na Universidade de Heildeberg, en Alemaña, está a realizar unha investigación sobre o uso do galego no Instagram, para a que ten dispoñible unha enquisa na rede social.
Fonte: Faro de Vigo
Continúa en descenso a porcentaxe de persoas que le en galego
O Barómetro do Gremio de Editores de España, malia que constata un aumento na adquisición de libros en galego, sinala que só un 3,1 % das persoas que le en Galicia prefire facelo nesta lingua, fronte ao 96,2 % que escolle o castelán.
Fonte: Culturagalega
Convócase un curso para mellorar a competencia en galego dos docentes
O Curso para mellorar a competencia lingüística en galego para docentes, que organiza CIG-Ensino e a Asociación Socio-Pedagóxica Galega (AS-PG), desenvolverase en varias sesións ao longo do mes de febreiro na modalidade de teleformación.
Fonte: Consello da Cultura Galega
A Xunta e Galaxia editan a primeira adaptación a novela gráfica do clásico Memorias dun neno labrego para achegarllo á mocidade
A Xunta de Galicia e Editorial Galaxia acaban de presentar dous novos títulos que engrosan a lista de obras publicadas pola editorial viguesa co apoio da Consellería de Cultura, Educación, FP e Universidades: a primeira adaptación a novela gráfica do clásico Memorias dun neno labrego, de Xosé Neiras Vilas realizada por Iria Aldegunde, e a Música dos Valladares. Retratos de familia, da autoría de Pablo Bernárdez.
Fonte: O Portal da Lingua Galega
A Real Academia Galega presenta a programación das Letras Galegas que este ano homenaxean a Luísa Villalta
O programa de actividades para dar a coñecer ou afondar na figura e na obra de Luísa Villalta, homenaxeada co Día das Letras Galegas 2024, comezará no mes de marzo cunha serie web sobre a autora.
Fonte: Real Academia Galega
Os equipos de fútbol profesional de Galicia comprométense publicamente coa lingua galega
A campaña «Aquí tamén se fala» suma un novo éxito ao lograr que o fútbol profesional tamén se comprometa publicamente co galego. Así, Celta, Dépor, Lugo e Rácing de Ferrol anuncian o seu apoio a esta iniciativa.
Fonte: Consello da Cultura Galega
Crean unha aplicación para localizar cine galego en versión orixinal
A enxeñeira informática Inés San Luís acaba de publicar Vogal, unha aplicación gratuíta para localizar series e películas en versión orixinal galega.
Fonte: Consello da Cultura Galega
Boletín
Subscríbase ao boletín
