O BNG levará a pleno unha moción para que o Goberno local cree neste primeiro semestre do ano 2024 o Consello Local da Lingua, así como o plan de normalización, tal e como recolle a Ordenanza do galego.

Fonte: La Opinión de A Coruña

Santiago de Compostela acolleu un acto organizado pola Mesa pola Normalización Lingüística no que O Apalpador lle pediu ao presidente da Xunta, que este sexa o último Nadal sen programación infantil e xuvenil en galego.

Fonte: Galicia Confidencial

Filólogas da Universidade de Santiago, en colaboración co Instituto da Lingua Galega, lanzan o primeiro dicionario de mulleres lexicógrafas de linguas duns 25 países, unha ferramenta en liña que se pode consultar en galego e en inglés.

Fonte: Nós Diario

A Xunta de Galicia aposta pola difusión do cinema galego a través da colaboración coa plataforma en liña Filmin para poñer a disposición do público un catálogo monográfico no que se agrupan filmes de autoría galega, xunto con outras películas que poden verse en galego grazas á dobraxe ou aos subtítulos.

Fonte: Xunta de Galicia

Un total de 51 nenas e nenos recibiron un agasallo por participar na segunda edición do certame Cartas de Verán, unha iniciativa do Concello da Coruña que busca fomentar a escrita en lingua galega entre os menores de ata 12 anos.

Fonte: A Coruña na Rede

A CRTVG vai producir 25 novos produtos dixitais en lingua galega nunha convocatoria á que destinará máis de 300 000 euros. Entre os proxectos, creados especificamente desde e para a contorna dixital, figuran contidos divulgativos, infantís, de entretemento, humor, educación, ficción ou cultura.

Fonte: CRTVG

No segundo semestre do curso 2023/2024 o Centro de Linguas Modernas ofertará cursos de galego para non galegofalantes dirixidos principalmente á comunidade universitaria, mais tamén a todas as persoas maiores de 16 anos interesadas.

Fonte: Consello da Cultura Galega

O Premio Internacional de Estudos Galegos, que convoca a Asociación Internacional de Estudos Galegos (AIEG) co apoio da Xunta de Galicia e da UMinho Editora, está dirixido a investigadores/as do ámbito dos estudos galegos en universidades de fóra de Galicia e cuxos traballos estean redactados en lingua galega.

Fonte: Consello da Cultura Galega

A Xunta de Galicia pon o broche de ouro a un ano de celebracións arredor da figura de Francisco Fernández del Riego, autor homenaxeado nas Letras Galegas 2023, coa presentación do último volume da colección Cadernos Ramón Piñeiro, titulado Francisco Fernández del Riego no río do tempo.

Fonte: O Portal da Lingua Galega

Un grupo de estudantes da Facultade de Educación e Traballo Social do campus de Ourense da Universidade de Vigo participaron nun proxecto europeo sobre innovación docente onde mesturaron música, matemátias e linguas con estudantes de Francia, Países Baixos e da Universidade de Santiago de Compostela.

Fonte: Universidade de Vigo