Galicia
Román Rodríguez enxalza o gran momento da industria cultural galega e a súa capacidade de adaptación aos novos formatos e hábitos de consumo
O conselleiro de Cultura, Educación, FP e Universidades, Román Rodríguez, inaugurou a 16ª edición de Culturgal, a Feira das Culturas Galegas que se celebra no Pazo da Cultura de Pontevedra coa ollada posta na captación de públicos e no avance dos fitos culturais que protagonizarán o 2024 na nosa Comunidade.
Fonte: O Portal da Lingua Galega
O festival Carballo Interplay crea un novo galardón ao mellor contido dixital en galego
O festival Carballo Interplay, que se celebrará os días 4, 5, 6 e 7 de abril de 2024, presenta unha novidade para a vindeira edición: o Premio a Mellor Contido Dixital en Galego, cuxo obxectivo é darlles visibilidade aos creadores e creadoras que difunden contidos audiovisuais nesta lingua na rede.
Fonte: Código Cero
A Xunta destaca a traxectoria do académico Darío Villanueva na entrega do Premio Otero Pedrayo 2023
O secretario xeral de Política Lingüística, Valentín García, participou na entrega do Premio Otero Pedrayo 2023 ao académico Darío Villanueva, galardoado pola súa contribución á cultura no campo das letras e do coñecemento.
Fonte: O Portal da Lingua Galega
Convócase unha nova edición do certame Enreguéifate, para apoiar a difusión da improvisación oral en verso
Os concellos de Ames, Carballo, Pontevedra, Santiago de Compostela e Teo convocan unha nova edición deste certame cuxo obxectivo é apoiar a difusión da improvisación oral en verso e contribuír así á promoción do uso do galego.
Fonte: Consello da Cultura Galega
Preséntase unha nova edición dos Premios Manuel Beiras baixo o lema «En galego, naturalmente»
A XXIV edición dos Premios Manuel Beiras, que convoca o Concello de Santiago e a Cámara de Comercio, ten como lema «En galego, naturalmente», un slogan cuxo obxectivo é poñer en valor o uso da lingua galega nos establecementos locais como unha maneira de conectar coa clientela e achegar naturalidade e proximidade.
O Concello de Redondela finaliza a campaña de promoción de uso do galego no comercio local
A campaña «O galego suma no comercio» buscaba unha marca de identidade característica para o conxunto dos negocios de proximidade e animaba a usar o galego nos rótulos, carteis, webs e redes sociais dos establecementos comerciais.
Fonte: Nós Diario
A Xunta expón o seu modelo para a promoción do galego na mocidade na VII Xornada de dinamización lingüística de Baleares
O secretario xeral de Política Lingüística, Valentín García, participou en Mallorca na VII Xornada de Dinamización Lingüística, organizada polo Institut d’Estudis Baleàrics como un punto de encontro para a reflexión e o debate arredor do uso social da lingua.
Fonte: O Portal da Lingua Galega
A Universidade de Santiago de Compostela convoca as axudas a teses de doutoramento en galego
A Universidade de Santiago convoca estas axudas, cuxo importe é de 3000 euros, co obxectivo de que o galego se converta nunha lingua de uso normal na redacción e defensa das teses de doutoramento.
Fonte: Consello da Cultura Galega
Comeza a campaña para escoller a Palabra do Ano 2023 en galego
A Real Academia Galega e a Fundación Barrié organizan un ano máis esta iniciativa para a difusión do léxico galego que comeza cunha primeira fase de escolla de suxestións que finaliza o 10 de decembro.
Fonte: Real Academia Galega
O programa Nadal en Rede da Xunta achegará propostas de ocio a 41 concellos galegos
O secretario xeral de Política Lingüística, Valentín García, presentou a programación da XI edición de Nadal en Rede, o programa de dinamización lingüística impulsado pola Xunta de Galicia que achegará durante as festas seis propostas de ocio en galego a 41 concellos e entidades pertencentes á Rede de Dinamización Lingüística.
Fonte: O Portal da Lingua Galega
Boletín
Subscríbase ao boletín
