Galicia
Unha campaña promoverá o uso do galego no comercio local de Narón
O Concello de Narón e a Asociación de Comerciantes do municipio organizan un obradoiro no marco da campaña Narón gaña co galego, que ten como obxectivo promover o uso do galego no comercio local.
Fonte: Consello da Cultura Galega
O novo número de Cadernos de Lingua inclúe un traballo sobre a velocidade de lectura en galego
O novo número de Cadernos de Lingua, que xa está dispoñible para a súa descarga na sección de publicacións da Real Academia Galega, aborda temas como a velocidade de lectura en galego ou as perífrases temporais no galego oral contemporáneo, entre outros.
Fonte: Real Academia Galega
A Real Academia Galega e a Deputación da Coruña asinan o convenio de colaboración anual
Trátase dun convenio polo que a Deputación da Coruña financia con 60 000 euros distintas actividades da Real Academia Galega deste ano.
Fonte: Real Academia Galega
A serie 'O Seminario de Onomástica responde' explica a orixe e o significado de nove novos topónimos
A última tempada da serie audiovisual O Seminario de Onomástica responde da Real Academia Galega inclúe a explicación da orixe e o significado destes topónimos: Agolada, Balaídos, Cereixo, Chamoso, Eiré, Moeche, O Orzán, Palas de Rei e Vilariño de Conso.
Fonte: Real Academia Galega
Héctor Carré gaña o V Premio Daniel Domínguez de guión en galego
Héctor Carré, co seu traballo Sinais, fíxose con este galardón que convoca a Asociación Sindical Galega de Guionistas e polo que recibirá 2000 euros.
Fonte: Culturagalega
A Xunta publica a convocatoria para a participación en proxectos de innovación educativa en dinamización lingüística
A Secretaría Xeral de Política Lingüística e a Dirección Xeral de Ordenación e Innovación Educativa publicaron a convocatoria para a participación en proxectos de innovación educativa en dinamización lingüística destinada a centros educativos de titularidade pública.
Fonte: O Portal da Lingua Galega
Preséntase unha nova convocatoria do concurso de microrrelatos e micropoemas en galego que organiza Dinamizaestrada
Dinamizaestrada, que agrupa todos os centros de primaria e secundaria da Estrada, convoca unha nova edición do concurso de microrrelatos e micropoemas en galego co obxectivo de fomentar entre o alumnado a creación literaria nesta lingua.
Fonte: Faro de Vigo
Un grupo de estudantes de Pedagoxía crea un recurso didáctico en galego para promover un uso favorable das TIC
Esta ferramenta, destinada a familias con fillas/os de 3 a 6 anos e elaborada por estudantes do 4º curso do Grao en Pedagoxía da Universidade de Santiago, ten como obxectivo promover unha relación saudable coas tecnoloxías e as contornas dixitais.
Fonte: Código Cero
Resólvese o certame TED Saúde 2023 para fomentar a creación de recursos divulgativos en galego neste ámbito
Xa se coñecen os traballos finalistas e gañadores do VIII Concurso de subtitulación de vídeos TED de ciencias da saúde ao galego (#TEDSaúde), un certame que ten como obxectivo contribuír á creación de recursos divulgativos nesta lingua no eido da saúde.
Xa se coñecen as seis voces galegas que optan a se converter na Palabra do Ano 2023
Estas son as seis voces que optan a se converter na Palabra do Ano 2023 e polas que se poderá votar ata o luns 25 de decembro a través do Portal das Palabras: biodiversidade, cibercarracho, -a, cooficialidade, dereitos humanos, educación emocional e feitiño, -a.
Fonte: Real Academia Galega
Boletín
Subscríbase ao boletín
