Galicia
O Concello de Pontevedra convoca un certame de contos orais en galego
Trátase dunha nova edición de Bótalle un conto, un certame de contos orais en galego que ten como obxectivo prestixiar e visibilizar a variedade e a riqueza da lingua oral.
Fonte: Concello de Pontevedra
A Xunta colabora cunha vintena de editoriais para a tradución de 83 obras
A Consellería de Cultura, Lingua e Xuventude acaba de conceder axudas a 20 editoriais para a tradución de 83 obras, tal e como se publica no Diario Oficial de Galicia (DOG). En total, a orde de axudas destinaba 200 000 euros a esta convocatoria co obxecto de favorecer que as obras galegas se editen noutras linguas ao tempo que se fomenta a tradución.
Fonte: O Portal da Lingua Galega
O programa «Modo galego, actívao!» esténdese ao primeiro ciclo de infantil
O Concello de Ames e a Real Academia Galega organizan a segunda edición do proxecto «Modo galego, actívao!» que presenta como novidades a incorporación das dúas escolas infantís municipais e o reforzo da oferta de accións formativas.
Fonte: Concello de Ames
Valentín García participa na presentación da reedición da novela ‘As chaves do tempo’, de Luísa Villalta
O secretario xeral da Lingua, Valentín García, participou na presentación da reedición da novela As chaves do tempo, de Luísa Villalta, a escritora, docente e música a quen este ano se lle dedica o Día das Letras Galegas.
Fonte: O Portal da Lingua Galega
O centro de FP A Carballeira gaña o concurso das Letras Galegas 2024 polo seu traballo ‘Viaxe polo metaverso con Luísa Villalta’
A directora xeral de Ordenación e Innovación Educativa, Judith Fernández, entregoulle ao Centro Integrado de FP CIFP A Carballeira-Marcos Valcárcel o premio do Concurso-Exposición Letras Galegas 2024 sobre a figura da homenaxeada Luísa Villalta este 17 de maio, na modalidade de Educación Secundaria Obrigatoria, Bacharelato, Formación Profesional e Ensinanzas de Réxime Especial.
Fonte: O Portal da Lingua Galega
A Escola Galega de Administración Pública convoca dous cursos de linguaxe xurídica galega
Os dous cursos en liña de linguaxe xurídica galega (un de nivel medio e outro de nivel superior) están destinados ao persoal ao servizo da Administración de Xustiza que preste servizos fóra de Galicia.
Fonte: Consello da Cultura Galega
Valentín García participa na gala dos XX edición dos premios literarios Frei Martín Sarmiento e do certame audiovisual REC.curta
O secretario xeral da Lingua, Valentín García, asistiu no Museo Pedagóxico de Galicia (MUPEGA) á gala de entrega dos XX premios literarios Frei Martín Sarmiento deste curso así como os correspondentes ao certame audiovisual REC.curta, organizados por Escolas Católicas coa colaboración da Secretaría Xeral da Lingua.
Fonte: O Portal da Lingua Galega
O secretario xeral da Lingua participa na lectura continuada en homenaxe a Nélida Piñón
O secretario xeral da Lingua, Valentín García, participou na lectura continuada en homenaxe a Nélida Piñón que se celebrou no Auditorio Neira Vilas da Biblioteca de Galicia, na Cidade da Cultura.
Fonte: O Portal da Lingua Galega
O Concello de Silleda organiza aulas de galego para a poboación inmigrante
O Programa Anduriña é unha iniciativa para a alfabetización e inserción sociocultural da poboación inmigrante empadroada en Silleda que inclúe aulas de aprendizaxe de lingua castelá e de lingua galega.
Fonte: Consello da Cultura Galega
Galicia recibe a estudantes do programa de promoción do galego en territorios de Castela e León
O secretario xeral da Lingua, Valentín García, e a directora xeral de Xuventude, Lara Meneses, visitaron o alumnado de primaria, secundaria e bacharelato do Bierzo adscrito ao Programa de promoción do galego que está a pasar estes días no albergue xuvenil As Sinas, en Vilanova de Arousa.
Fonte: O Portal da Lingua Galega
Boletín
Subscríbase ao boletín
