Galicia
A Asociación de Entidades Locais pola Lingua Galega crea adhesivos para empregar nas conversas de Whatsapp ou Telegram
Trátase de adhesivos (coñecidos como stickers) en lingua galega para empregar nas conversas de Whatsapp ou Telegram cos que expresar mensaxes curtas ou sentimentos dun xeito instantáneo.
Fonte: Consello da Cultura Galega
A Xunta e o Concello de Mondoñedo entréganlle o I Premio de Novela Álvaro Cunqueiro ao escritor Antón Riveiro Coello
O secretario xeral de Política Lingüística, Valentín García, participou no acto de entrega do I Premio de Novela Álvaro Cunqueiro ao escritor Antón Riveiro Coello pola obra Hotel Carioca.
Fonte: O Portal da Lingua Galega
A Asociación de Funcionarios para a Normalización Lingüística organiza, un ano máis, o Día da Restauración da Memoria Lingüística de Galicia
A celebración do Día da Restauración da Memoria Lingüística de Galicia ten como obxectivo impulsar o uso do galego no ámbito dos ritos funerarios e das últimas vontades. O acto conmemorativo levarase a cabo no cemiterio de Amoedo (Pazos de Borbén) o 28 de outubro.
Fonte: Consello da Cultura Galega
A escritora Sica Romero gaña o XXVII premio San Clemente de novela co que colabora a Xunta
A XXVII edición do Premio San Clemente de Novela, convocado polo Instituto Rosalía de Castro de Santiago de Compostela en colaboración coa Consellería de Cultura, Educación, FP e Universidades, xa ten gañadores. Na modalidade de novela en galego, fíxose co galardón a escritora de Carnota Sica Romero pola obra Avelaíñas eléctricas.
Fonte: O Portal da Lingua Galega
O Premio Otero Pedrayo 2023 recoñece o labor do profesor Darío Villanueva
O xurado do Premio Otero Pedrayo, impulsado pola Xunta de Galicia e as catro deputacións provinciais, vén de decidir o galardón deste 2023 a favor de Darío Villanueva, polos seus “méritos no académico, na investigación e na actividade profesional como crítico literario e escritor, así como no institucional”.
Fonte: O Portal da Lingua Galega
A Universidade de Vigo pon en marcha unha campaña para animar a comunidade universitaria a falar galego
Esta campaña, que ten como lema «Galego de tranquis», trata de fomentar entre a comunidade universitaria o paso a falar en galego, sen presións e como un acto voluntario.
Fonte: Universidade de Vigo
O profesor Fernando Castro Paredes recibe o XXXV Premio García Barros co que colabora a Xunta
O secretario xeral de Política Lingüística, Valentín García, participou na entrega do Premio de Novela Manuel García Barros ao profesor Fernando Castro Paredes pola obra Entomoloxía para misioneiros.
Fonte: O Portal da Lingua Galega
A Xunta de Galicia convoca o concurso para a exposición sobre Luísa Villalta, autora homenaxeada nas Letras Galegas 2024
O concurso para elaborar a exposición sobre Luísa Villata, a autora homenaxeada o Día das Letras Galegas 2024, está dirixido aos centros de ensino público non universitario e conta con dúas categorías, unha de educación infantil e primaria e outra para os restantes niveis educativos.
Fonte: Consello da Cultura Galega
As empresas mostran maior sensibilidade cara á lingua galega, pero descende o seu uso
Esta é unha das conclusións dos relatorios presentados na 25.ª edición dos Encontros para a Normalización Lingüística, que este ano estiveron centrados no ámbito socioeconómico.
Fonte: Consello da Cultura Galega
Retiran do temario da ABAU a historia do galego anterior a 1981
O grupo de traballo que prepara os exames de Lingua Galega e Literatura da ABAU estableceu que as preguntas sobre a historia do galego se cingan a todo o posterior a 1981, cando se converteu en idioma oficial.
Fonte: Galicia Confidencial
Boletín
Subscríbase ao boletín
