Galicia
A Xunta de Galicia convoca axudas para a edición de audiolibros e libros de lectura fácil en galego
Esta nova liña de axudas para editar audiolibros e libros de lectura fácil en galego enmárcase no Plan de impulso do libro galego e conta cun investimento de 150 000 euros.
Fonte: Faro de Vigo
O IES Castro Alobre de Vilagarcía de Arousa pon en marcha unha nova edición da súa campaña de fomento do uso do galego
O alumnado do instituto Castro Alobre presentou a oitava edición da súa campaña coa a que buscan impulsar o uso do galego mediante a repartición polas cafeterías de Vilagarcía de Arousa de 36 000 pousavasos con mensaxes nesta lingua.
Fonte: Faro de Vigo
A Xunta de Galicia resolve a convocatoria para a realización de proxectos de innovación educativa en dinamización lingüística
A Secretaría Xeral de Política Lingüística e a Dirección Xeral de Ordenación e Innovación Educativa resolveron a convocatoria para a realización de proxectos de innovación educativa en dinamización lingüística na que cinco proxectos recibiron a consideración de excelentes pola que recibirán unha dotación económica de 2000 euros.
Fonte: Consello da Cultura Galega
O uso do galego na docencia da Universidade de Santiago mantén no curso 2022-2023 a tendencia dos últimos anos académicos
Segundo un informe do Servizo de Normalización Lingüística da USC, o uso do galego na docencia ao longo do curso 2022-2023 mantívose estable, na liña dos últimos anos académicos.
Luísa Villalta será a autora homenaxeada no Día das Letras Galegas 2024
A Real Academia Galega acordou dedicarlle o Día das Letras Galegas 2024 a Luísa Villalta, creadora dunha obra singular e sólida que a converteu nunha das grandes figuras da literatura galega da segunda metade dos anos 80 e primeiros 90.
Fonte: Real Academia Galega
Un tradutor automático creado na Universidade de Vigo mellorará a atención das persoas xordas nos servizos de urxencias
SignaMed é un proxecto que ten como principal obxectivo o desenvolvemento colaborativo do primeiro dicionario multiplataforma, accesible vía web desde calquera dispositivo, de termos de saúde en lingua de signos española.
Fonte: Universidade de Vigo
Resólvese o certame ‘Vémolo nós’ co que a Universidade de Santiago promove a produción de vídeos curtos sobre ciencia en galego
A Universidade de Santiago deu a coñecer as persoas gañadoras da primeira edición do certame ‘Vémolo nós’, unha iniciativa que ten como obxectivo promover a produción e a difusión de vídeos curtos e orixinais que fomenten o galego como lingua de divulgación científica.
Preséntase na Facultade de Matemáticas a tradución ao galego da obra ‘Xogando co infinito’
O profesor da Universidade de Santiago de Compostela Felipe Gago é o responsable da tradución ao galego de Xogando co infinito, unha obra divulgativa da húngara Rózsa Péter que trata conceptos matemáticos relacionados co infinito.
Publícase a aprobación definitiva da Ordenanza de normalización lingüística do Concello de Narón
O Boletín Oficial da Provincia da Coruña publicou a Ordenanza de normalización lingüística do Concello de Narón, aprobada no Pleno da Corporación do 27 de abril de 2023 e que establece o galego como lingua oficial deste ente local.
Fonte: CTNL
O BOP da provincia de Pontevedra publica a resolución das axudas aos concellos para a promoción do galego
A Deputación de Pontevedra resolveu as axudas a diferentes concellos da provincia para o mantemento de servizos de normalización lingüística, así como para o desenvolvemento de actividades de fomento do galego.
Fonte: Consello da Cultura Galega
Boletín
Subscríbase ao boletín
