Galicia
A Xunta e a Fundación Otero Pedrayo entregan os galardóns da II edición do seu certame para estudantes de ESO e Bacharelato
O secretario xeral de Política Lingüística, Valentín García, participou na entrega dos galardóns do II Premio Otero Pedrayo para Estudantes de ESO e Bacharelato, organizados co fin de fomentar entre a mocidade o coñecemento e recoñecemento desta figura singular.
Fonte: O Portal da Lingua Galega
A Xunta intensifica o seu traballo pola diversidade lingüística nas plataformas audiovisuais
A Comisión de Seguimento do Protocolo de colaboración en materia de política lingüística, na que participan as comunidades autónomas de Galicia, Euskadi, Cataluña, Navarra, Illas Baleares e Comunidade Valenciana, celebrou na sede da Consellería de Fondos Europeos, Universidade e Cultura de Baleares a súa reunión ordinaria anual para abordar diferentes temas de interese e deseñar e coordinar accións conxuntas de promoción das súas linguas propias, centrándose especialmente no traballo das plataformas audiovisuais.
Fonte: O Portal da Lingua Galega
A Facultade de Veterinaria da Universidade de Santiago convoca dous novos certames para impulsar o uso do galego
A Comisión de Normalización Lingüística da Facultade de Veterinaria lanza unha nova convocatoria dos certames ‘Escolle en galego’ e ‘O teu traballo ten premio’ que teñen como obxectivo incentivar o uso do galego entre o seu alumnado.
O presidente da RAG demanda máis apoio para a educación e os medios en lingua galega
O presidente da Real Academia Galega defende en Cádiz, no IX Congreso Internacional da Lingua Española, a pluralidade cultural e lingüística do Estado español e demanda máis apoio para garantir a presenza do galego nos medios de comunicación e no sistema educativo.
Fonte: Galicia Confidencial
O escritor Suso de Toro cede gravacións do seu fondo sonoro ao Consello da Cultura Galega
O escritor Suso de Toro e a presidenta do Consello da Cultura Galega, Rosario Álvarez, asinaron un acordo polo que o autor cede unha parte do seu fondo sonoro á institución. Entre as gravacións destaca unha longa conversa con Ramón Piñeiro.
Fonte: Galicia Confidencial
O Concello de Santiago pon en marcha unha campaña de promoción do seu programa de voluntariado lingüístico
A campaña de difusión do programa de voluntariado lingüístico Elos estase a desenvolver nas redes sociais co obxectivo de conseguir voluntarios/as galegofalantes que axuden a outras persoas a aprender galego.
Fonte: Consello da Cultura Galega
Nace o Canciños Fest, un novo certame que busca achegarlles o cinema en lingua galega aos máis pequenos
O Festival de Cans organiza no Porriño, co apoio da Secretaría Xeral de Política Lingüística, o Canciños Fest, un novo certame que ten como obxectivo que os máis pequenos se acheguen ao cine en galego.
Fonte: Xornal21
A Universidade de Santiago convoca unha nova edición dos Premios á calidade lingüística
Os Premios á calidade lingüística chegan á súa edición número dezanove, á que se poderá presentar o alumnado que elabore e, de ser o caso, defenda en lingua galega un traballo académico, TFG ou TFM.
Preséntanse os resultados da experiencia de compromiso lingüístico entre o alumnado de Ames
A Casa da Cultura de Bertamiráns acolleu o acto de presentación dos resultados da experiencia de inmersión lingüística na que participaron centros educativos de infantil e primaria de Ames ao abeiro do proxecto «Modo galego, actívao!», impulsado pola Real Academia Galega e o Concello de Ames.
Fonte: Real Academia Galega
A Xunta colabora na celebración do centenario do Seminario de Estudos Galegos cunha decena de actividades culturais
O 12 de outubro de 2023 celébrase o centenario da fundación do Seminario de Estudos Galegos, a institución científico-cultural de principios do século XX integrada por intelectuais galeguistas para estudar e divulgar o patrimonio cultural e lingüístico da nosa Comunidade. Co gallo da conmemoración desta efeméride, a Xunta de Galicia e o Consello da Cultura Galega, en colaboración cunha ducia de entidades e institucións galegas, organizan unha programación cunha vintena de accións que se desenvolverán ao longo deste ano e principios do que vén, das que a metade están impulsadas polo Goberno galego.
Fonte: O Portal da Lingua Galega
Boletín
Subscríbase ao boletín
