Galicia
O alumnado do IES Manuel Murguía realiza un estudo sobre a diversidade lingüística de Arteixo
Este estudo sobre a diversidade lingüística de Arteixo demostra que este municipio conta con residentes que falan linguas dos cinco continentes de países como China, Tailandia, Australia, Marrocos, Xordania, Rusia, Holanda etc.
Fonte: El Ideal Gallego
O alumnado do IES Rafael Dieste da Coruña impulsa unha campaña para promover o uso do galego na cidade
O alumnado de 4º da ESO deste centro puxo en marca a campaña "Aquí tamén se fala galego" dirixida aos comercios da cidade coa que pretende demostrar que na Coruña si se fala esta lingua.
Fonte: Quincemil
Resólvense os Premios Lois Peña Novo que recoñecen o impulso da normalización lingüística en diferentes ámbitos
A vixésimo sétima edición destes galardóns recoñecen o labor do xornal dixital Gciencia, por darlle visibilidade ao galego nas redes sociais; a Rosa Castro Legazpi, pola súa contribución á consolidación desta lingua nos medios de comunicación; e a Felipe Senén López, pola súa traxectoria na defensa do patrimonio cultural de Galicia.
Fonte: Consello da Cultura Galega
Chega aos cinemas "Sica", produción de Miramemira rodada na Costa da Morte con subvención da Xunta
O delegado territorial da Xunta na Coruña, Gonzalo Trenor, e o director da Axencia Galega das Industrias Culturais da Xunta de Galicia, Jacobo Sutil, desprazáronse a Carballo para acompañar o equipo de Sica, a nova película da produtora galega Miramemira.
Fonte: O Portal da Lingua Galega
Catro Ventos Editora publica un novo volume no que xente nova imaxina o futuro do galego
A lingua en futuro: a mocidade imaxina o 2050 é unha obra na que dezasete persoas novas de diferentes ámbitos valoran a situación actual do galego e imaxinan o seu futuro dentro de tres décadas.
Fonte: Consello da Cultura Galega
Xa se coñecen as catro propostas gañadoras dos XIV Premios Rosalía de Castro de Lingua que convoca a Deputación da Coruña
As propostas gañadoras dos XIV Premios Rosalía de Castro de Lingua son: 'Pakolas. Rock infantil e familiar en galego' na categoría iniciativas de dinamización para a poboación de menor idade; o Museo do Pobo Galego e Orgullo Galego, exaequo na categoría de entidades; e o técnico de normalización lingüística Daniel Romero na categoría de persoas.
Fonte: Deputación da Coruña
Estréase a webserie “O gran reto” na que tres castelanfalantes deben superar o desafío de vivir 21 días en galego
A Asociación de Entidades Locais pola Lingua Galega (Alingua) estreou a webserie O gran reto, na que tres persoas castelanfalantes teñen que superar o desafío de vivir 21 días en galego e relatar a súa experiencia.
Fonte: Consello da Cultura Galega
Emigración e Política Lingüística comparten unha visita á Cidade da Cultura con vinte mozos e mozas do Instituto Español Vicente Cañada Blanch de Londres
O secretario xeral da Emigración, Antonio Rodríguez Miranda, xunto co secretario xeral de Política Lingüística, Valentín García, compartiron con vinte mozos e mozas pertencentes ao Instituto Español Vicente Cañada Blanch de Londres, unha visita guiada pola Cidade da Cultura, dentro da viaxe que están a realizar por Galicia.
Fonte: O Portal da Lingua Galega
Román Rodríguez subliña o papel das radios escolares para mellorar as competencias lingüísticas e de expresión oral do alumnado
O conselleiro de Cultura, Educación, FP e Universidades, Román Rodríguez, destacou o papel que exercen as radios escolares dos centros educativos como “espazos para a mellora das competencias lingüísticas e de expresión oral do alumnado”.
Fonte: O Portal da Lingua Galega
A Universidade de Santiago organiza o concurso ‘Petiscos de ciencia’ para achegar a investigación en galego á mocidade
A Facultade de Ciencias convoca o concurso de vídeos ‘Petiscos de ciencia’ que ten como obxectivo achegar a actividade científica á mocidade, ademais de favorecer a divulgación dos contidos científicos en galego.
Boletín
Subscríbase ao boletín
