Galicia
Segundo un informe da Mesa pola Normalización Lingüística, a programación televisiva infantil en galego non chega nin ao 1 %
A Mesa pola Normalización Lingüística presentou o Informe Xabarín 2023, no que se analiza a presenza do galego nos contidos televisivos para a infancia e a mocidade. No conxunto das operadoras analizadas (Movistar, Vodafone, R e Orange), o galego só ten presenza 2 horas e 25 minutos ao día (sempre nas emisións da TVG2).
Fonte: Galicia Confidencial
O Concello de Ourense convoca unha nova edición do certame Ouff Escola
O certame Ouff Escola, que este ano chega á súa edición número 14, ten como obxectivos impulsar o uso do galego entre a mocidade, fomentar a creatividade audiovisual e promover o traballo en equipo.
Fonte: Consello da Cultura Galega
O Concello de Pontevedra promove un certame para impulsar o uso da lingua galega na creación musical
O certame Música nas Letras 2023, organizado polo Concello de Pontevedra para celebrar o Día das Letras Galegas, ten como obxectivo incentivar o uso do galego na creación musical.
Fonte: Concello de Pontevedra
Quince novos títulos incorpóranse á colección Esenciais, unhas guías que permiten achegar o galego á docencia
A colección Esenciais incorpora quince novos títulos que pretenden converterse nun recurso de apoio ao traballo do profesorado e do alumnado. Trátase de resumos en galego dunha materia ou dunha parte dela para utilizar como unha guía de referencia para a aprendizaxe dos contidos.
A Axencia Galega das Industrias Culturais convoca axudas para a impulsar a creación de obras audiovisuais en galego
Estas axudas están dirixidas a impulsar a creación de obras audiovisuais en galego a través do apoio á escrita de guións, á realización e posprodución de curtametraxes e á produción de longametraxes.
Fonte: Consello da Cultura Galega
A Deputación da Coruña publica a resolución das subvencións para os servizos municipais de normalización lingüística
Publicouse no Boletín Oficial da Provincia da Coruña a resolución das axudas dirixidas á creación, mantemento e reforzo dos servizos de normalización lingüística municipais durante o ano 2023.
Fonte: Consello da Cultura Galega
A Facultade de Psicoloxía organiza unha xornada sobre os beneficios do uso do galego con pacientes falantes desta lingua
O 3 de maio a Facultade de Psicoloxía da Universidade de Santiago acollerá unha xornada na que se tratarán os beneficios do uso do galego con pacientes galegofalantes no ámbito profesional da psicoloxía.
Arredor de 1600 estudantes de secundaria participan na XXXI edición do Rally Matemático sen Fronteiras apoiado pola Xunta
O secretario xeral de Política Lingüística, Valentín García, participou na Facultade de Química da Universidade de Santiago de Compostela na entrega do XXXI Rally Matemático sen Fronteiras, impulsado pola Institución Galega de Ciencia, Igaciencia, co apoio da Xunta.
Fonte: O Portal da Lingua Galega
As probas Celga arrancarán o próximo 13 de maio simultaneamente en Santiago e Ponferrada
A Xunta de Galicia publica no Diario Oficial de Galicia as datas das probas que permiten obter os certificados acreditativos dos niveis de lingua galega Celga 1, 2, 3 e 4, que terán lugar simultaneamente nas dúas sedes habituais, Santiago de Compostela e Ponferrada (León), entre o 13 de maio e o 3 de xuño.
Fonte: O Portal da Lingua Galega
Multiplícanse por cinco en tres anos as queixas por vulnerar os dereitos lingüísticos en Galicia
Segundo as cifras do informe de 2021 (o último publicado), as queixas relativas á vulneración de dereitos lingüísticos presentadas ante a Valedora do Pobo alcanzaron as 261 e referíronse principalmente a deturpacións da toponimia, a incumprimentos na lei ou á exclusión do galego na Administración.
Fonte: Nós Diario
Boletín
Subscríbase ao boletín
