Galicia
Dous filmes en galego terán a súa estrea no Festival de Berlín
As longametraxes Matria, de Álvaro Gago, e Sica, de Carla Subirana, estrearanse no mes de febreiro na Berlinale, o Festival Internacional de Cine de Berlín. Ambos os dous filmes rodáronse en galego, co mar como escenario e con mulleres como protagonistas.
Fonte: El Diario
Xa está en marcha unha nova edición do Club de Debate, unha iniciativa de dinamización lingüística organizada por varios concellos galegos
O Club de Debate é un proxecto colaborativo impulsado por varios concellos galegos co obxectivo de contribuír á dinamización lingüística e cultural no ámbito educativo, á fluidez comunicativa en galego, ao pensamento crítico e ao respecto pola diversidade de opinións.
Fonte: Consello da Cultura Galega
A Xunta convoca o programa de proxectos de innovación educativa en dinamización lingüística
A Xunta de Galicia acaba de convocar o programa de proxectos de innovación educativa en dinamización lingüística para centros educativos no curso 2022/2023. O obxectivo desta iniciativa é animar o profesorado a desenvolver accións que revertan positivamente na dinámica lingüística habitual do centro escolar e xeren melloras permanentes na práctica docente e na realidade do ensino.
Fonte: O Portal da Lingua Galega
A produtora viguesa Lámbrica Producciones impulsa ‘Heliotropo’, unha curtametraxe de ciencia ficción en galego
Lámbrica Producciones están desenvolvendo Heliotropo, unha curtametraxe de ciencia ficción en galego que se atopa en fase de posprodución. Para poder finalizala lanzaron unha campaña de crowdfunding coa que pretenden recadar 2500 €.
Fonte: Xornal
Valentín García participa na homenaxe a Xesús Mato
O secretario xeral de Política Lingüística, Valentín García, participou na dobre presentación do libro Xesús Mato, 90 anos... e 50 do seu Fuxan os Ventos, unha homenaxe ao crego e musicólogo fillo predilecto do concello de Paradela.
Fonte: O Portal da Lingua Galega
O Concello da Estrada convoca os seus tres premios literarios en lingua galega
Xa está aberto o prazo para participar nos tres premios literarios que convoca o Concello da Estrada: o de poesía Avelina Valladares, o de novela Manuel García Barros e o de álbum ilustrado Alberte Quiñoi.
Fonte: Faro de Vigo
Convócanse probas de avaliación das competencias clave en comunicación en lingua galega
A Consellería de Promoción do Emprego e Igualdade convoca probas de avaliación en competencias clave, entre as que está a comunicación en lingua galega.
Fonte: Consello da Cultura Galega
Un total de 35 concellos asina a Declaración de Pontevedra para impulsar o uso do galego nas súas relacións coa Xustiza
A Deputación de Pontevedra, a Irmandade Xurídica Galega e a Xunta da Galicia, xunto a 35 concellos da provincia, asinaron Declaración de Pontevedra, un manifesto no que se comprometen a impulsar o uso do galego nas relacións entre as corporacións locais e a Xustiza.
Fonte: Deputación de Pontevedra
O volume ‘Unha amizade con Ferrol ao fondo’ editado co apoio da Xunta reúne a correspondencia entre os escritores Carvalho Calero e Tomás Barros
O secretario xeral de Política Lingüística, Valentín García, participou na presentación do volume Unha amizade con Ferrol ao fondo. Correspondencia entre Carvalho Calero e Tomás Barros (1947-1983), do catedrático da Universidade da Coruña Xosé Ramón Freixeiro Mato.
Fonte: O Portal da Lingua Galega
A cantora galaico-portuguesa María do Ceo celebra os seus 25 anos de carreira cun disco dedicado a Galicia e á lingua galega
O secretario xeral de Política Lingüística, Valentín García, participou na presentación do último traballo da cantora galaico-portuguesa María do Ceo, Galicia Nai, un libro disco dedicado integramente a Galicia e á lingua galega co que a intérprete celebra os seus 25 anos de carreira musical e que conta co apoio da Xunta.
Fonte: O Portal da Lingua Galega
Boletín
Subscríbase ao boletín
