Galicia
Preto de 150 estudantes participan no primeiro Encontro Lusófono organizado polo Instituto IES Alfredo Brañas de Carballo
O secretario xeral de Política Lingüística, Valentín García, participou no primeiro Encontro Lusófono promovido desde o Equipo de Dinamización da Lingua Galega e os departamentos de Lingua Galega e Literatura, así como de Xeografía e Historia, do Instituto IES Alfredo Brañas de Carballo coa colaboración da Xunta de Galicia.
Fonte: O Portal da Lingua Galega
O Concello de Cabanas convoca o seu Certame de Poesía e Microrrelato para impulsar o uso e o prestixio do galego
O IV Certame de Poesía e Microrrelato enmárcase na programación de Cabanas para celebrar o Día das Letras Galegas e ten como obxectivo fomentar o uso e o prestixio da lingua galega.
Fonte: Concello de Cabanas
O paseo das Palabras do Ano en Lugo incorpora o termo «comadre»
A rúa Menorca de Lugo acolle o paseo das Palabras do Ano, onde se vén de instalar «comadre», escollida no 2022 a través do Portal das Palabras nunha iniciativa que pretende que a cidadanía galega escolla cada decembro un termo en galego.
Fonte: Nós Diario
Ponse en marcha «Subscríbete ao galego», unha iniciativa para fomentar o uso do galego na rede
A Asociación de Medios en Galego, a provedora de servizos de Dinahosting e a Asociación PuntoGal organizan a campaña «Subscríbete ao galego», coa que pretenden incrementar e apoiar a comunidade de creación de contido en galego e impulsar o uso desta lingua en internet.
Fonte: Galicia Confidencial
O Concello de Ames organiza a IV Festa do Apego para fomentar a transmisión interxeracional do galego
O sábado día 6 de maio celebrarase en Ames a cuarta edición da Festa do Apego cun programa de actividades que inclúe contos, xogos, música, monicreques, obradoiros etc. Esta celebración enmárcase na iniciativa Apego, na que participan varios concellos que apostan polo impulso da transmisión do galego como lingua inicial.
Fonte: Concello de Ames
A Universidade da Coruña convoca o XI Premio de Tradución para o Galego
O Premio de Tradución para o Galego, organizado pola Facultade de Filoloxía e o Servizo de Normalización Lingüística, diríxese ao alumnado da Universidade da Coruña.
Fonte: Consello da Cultura Galega
O IES Leiras Pulpeiro de Lugo presenta un glosario caló-galego
O alumnado do IES Leiras Pulpeiro elaborou o Glosario caló-galego, cuxo obxectivo é difundir a cultura xitana entre a comunidade educativa a través dunha listaxe de palabras ou frases na lingua caló coas súas equivalencias en galego.
Fonte: Consello da Cultura Galega
A Xunta convoca as axudas á edición de materiais didácticos en lingua galega para o ano 2023
O Diario Oficial de Galicia (DOG) publica as subvencións para a edición en lingua galega de recursos didácticos curriculares para niveis non universitarios. Trátase dunha liña de axudas destinada á edición de materiais en formato impreso ou dixital á que a Consellería de Cultura, Educación, FP e Universidades destina durante este ano 200 000 euros.
Fonte: O Portal da Lingua Galega
A Xunta conmemorará o 17 de maio tamén desde o ámbito deportivo coa IX carreira Camiño das Letras
A Consellería de Cultura, Educación, FP e Universidades colabora un ano máis coa Carreira Camiño das Letras, unha proba cultural e deportiva impulsada por Xurdir que ten por obxectivo celebrar as Letras Galegas e poñer en valor o Camiño de Santiago a través do deporte.
Fonte: O Portal da Lingua Galega
A Xunta galardoa as mellores declaracións de amor do duodécimo certame Lingua de namorar
A Xunta de Galicia anunciou os nomes dos gañadores das mellores declaracións de amor en galego presentadas nesta undécima edición do certame Lingua de namorar. Un total de 2615 persoas (99 mozas e mozos e 2516 votantes) participaron neste concurso que procura dinamizar o uso da lingua galega entre a xuventude, tanto nas súas relacións persoais como na internet.
Fonte: O Portal da Lingua Galega
Boletín
Subscríbase ao boletín
