A Asociación de Empresarios de Hostalería recoñece un déficit de oferta en lingua galega, por exemplo nas cartas, que están dispoñibles moitas veces en inglés pero non en galego.

Fonte: El Ideal Gallego

Catro traballos realizados por estudantes das universidades de Vigo e Santiago de Compostela son os galardoados da II edición do Premio de investigación xurídica en lingua galega Xosé Luis Franco.

Fonte: Universidade de Vigo

As rúas das principais cidades de Galicia acolleron o 17 de maio, Día das Letras Galegas, manifestacións, convocadas pola plataforma Queremos Galego, para reivindicar a oportunidade de vivir en galego.

Fonte: Galicia Confidencial

A Consellería de Cultura, Educación, FP e Universidades celebra a implicación que a sociedade galega está a demostrar durante todo o mes de maio no gran día das súas Letras, cuxo acto central terá lugar en Vilanova de Lourenzá, vila natal de Francisco Fernández del Riego, homenaxeado neste 2023.

Fonte: O Portal da Lingua Galega

A Escola Galega de Administración Pública organiza, en colaboración coa Secretaría Xeral de Política Lingüística, dous cursos de linguaxe xurídica galega (un de nivel medio e outro de nivel superior) destinados ao persoal da Administración de Xustiza que preste servizos fóra de Galicia.

Fonte: Consello da Cultura Galega

A Xunta de Galicia, a través da Consellería de Cultura, Educación, FP e Universidades, e a distribuidora alimentaria Vegalsa-Eroski botan a andar un ano máis a campaña Letras Galegas para festexar o 17 de maio e homenaxear a Francisco Fernández del Riego cunha tirada especial de bolsas e carteis que chegarán a 215 establecementos da rede Eroski e Autoservicios Familia.

Fonte: O Portal da Lingua Galega

O proxecto “Modo galego, actívao!”, cuxo obxectivo é a promoción do galego na socialización da infancia e o uso desta lingua nas actividades de lecer, continúa coa realización de cinco actuacións nas escolas de Agro do Muíño, A Igrexa, Barouta, Covas, O Milladoiro, Ventín e A Maía.

Fonte: Concello de Ames

A Xunta de Galicia vén de convocar novas prazas de lectorados para reforzar o ensino da lingua, literatura e cultura galegas en tres comunidades autónomas e oito países estranxeiros para o 2023. Así se recolle no Diario Oficial de Galicia, que publicou a convocatoria de 14 prazas, das cales 11 son para persoal bolseiro e tres para persoal contratado, ás que se destina un investimento de máis de 550.000 euros.

Fonte: O Portal da Lingua Galega

A Deputación de Pontevedra destinará 125 000 euros a apoiar o mantemento dos servizos de normalización lingüística municipais dos concellos de Valga, Ponteareas, Moaña, A Cañiza e O Porriño neste exercicio de 2023.

Fonte: Deputación de Pontevedra

A Xunta inaugurou na Biblioteca de Galicia da Cidade da Cultura a exposición «Francisco Fernández del Riego. A cultura galega como motivo de vida», co gallo da celebración o vindeiro 17 de maio do Día das Letras Galegas dedicadas ao autor.

Fonte: O Portal da Lingua Galega