O secretario xeral de Política Lingüística, Valentín García, presentou na Sala de Cunchas o libro Estampas do Grove, de Paco Luna. O volume, editado por LúdicaLibros coa colaboración da Consellería de Cultura, Educación, FP e Universidades, forma parte do proxecto da dita editorial para recuperar das redes sociais artistas gráficos que aínda non teñen editada ou impresa a súa obra, apoiándoos para visibilizar a súa capacidade artística.

Fonte: O Portal da Lingua Galega

Coincidindo coas festas de Nadal, cobran especial relevancia propostas lúdicas en galego e con temática galega, con varios xogos e xoguetes que abranguen diferentes xéneros e idades e que van desde adaptacións de xogos xa coñecidos, ata xogos de mesa, xoguetes educativos...

Fonte: Culturagalega.org

O Concello de Oleiros está a desenvolver o proxecto Apego, xunto con outros 16 municipios, que ten como obxectivo promover o uso da lingua galega entre as familias con nenas e nenos de 0 a 6 anos mediante a organización de numerosas actividades como concertos, contacontos...

Fonte: La Opinión

Ao abeiro da Lei 20/2021, do 28 de decembro, de medidas urxentes para a redución da temporalidade no emprego público, convocáronse en Galicia 53 prazas de lingua de diferentes perfís que se distribúen así: 22 prazas en 21 entidades locais e 31, na Xunta.

Fonte: CTNL

A Xunta de Galicia vén de recorrer a decisión do Instituto Xeográfico Nacional (IGN) sobre a denominación oficial da ría de Ribadeo. O Goberno galego presenta un recurso de alzada ante o Ministerio de Transportes, Mobilidade e Axenda Urbana logo de que outorgase ao topónimo Ría del Eo carácter de nome alternativo, o que supón o mesmo nivel de oficialidade e uso que Ría de Ribadeo.

Fonte: O Portal da Lingua Galega

Se no ano 2021 o Servizo de Normalización Lingüística rescatou a microtoponimia de Negros, Cabeiro e Vilar de Infesta, no 2022 foi a quenda de Saxamonde, Cedeira e Quintela, cuxos topónimos se incorporarán ao proxecto impulsado polo Concello para recuperar os nomes de lugar do municipio.

Fonte: Faro de Vigo

As palabras trans e cis xa figuran na versión en liña do dicionario da RAG despois das múltiples reclamacións de varias organizacións para que se incorporasen estes termos para axudar a popularizalos e estender o coñecemento sobre eles.

Fonte: Nós Diario

A Secretaría Xeral de Medios publicou no DOG a resolución da convocatoria de axudas dirixidas a empresas que realicen publicacións periódicas escritas integramente en galego.

Fonte: Consello da Cultura Galega

Trátase da novena edición do certame ‘Descubrindo Oleiros’, un premio co que o Concello busca fomentar a lingua galega e dar a coñecer diferentes lugares do municipio.

Fonte: El Ideal Gallego

A Xunta de Galicia publicou dúas convocatorias de axudas para a presentación de proxectos de fomento do uso do galego no ámbito do ensino non universitario durante o curso 2022/2023, unha dirixida a centros de titularidade pública e outra a centros de titularidade privada.

Fonte: Consello da Cultura Galega