Galicia
A Universidade de Santiago de Compostela presenta os datos sobre os usos lingüísticos docentes no curso 2022-2023
Os datos mostran que na actualidade se imparten en castelán o 71,6 % das horas docentes; en galego, o 24,4 %; e noutras linguas, o 4 %, cifras case idénticas ás do curso 2021-2022.
Fonte: Consello da Cultura Galega
A Xunta destina 350 000 euros á promoción da lingua galega nas entidades locais
A Xunta destina este ano 350 000 euros ás entidades locais de Galicia para a promoción do uso da lingua galega. O Diario Oficial de Galicia (DOG) convocou estas subvencións, dirixidas aos concellos galegos e agrupacións destes que superen os 3000 habitantes.
Fonte: O Portal da Lingua Galega
O programa de dinamización lingüística FalaRedes arranca a súa XII edición coa obra “Castelao”, que potencia a mirada feminina nas montaxes teatrais
Como cada ano a Xunta de Galicia bota a andar o programa de dinamización lingüística FalaRedes, pensado para encher o tempo de lecer con actividades en galego entre os máis de 200 concellos e agrupacións pertencentes á Rede de Dinamización Lingüística.
Fonte: O Portal da Lingua Galega
A Real Academia Galega publica un novo número da colección Terra Nomeada dedicado á toponimia de Ribeira
Fernando Cabeza Quiles é o autor de Toponimia de Ribeira, dispoñible xa na versión en liña na web da RAG. Neste volume aborda a orixe e o significado dos nomes das entidades de poboación deste concello coruñés.
Fonte: Real Academia Galega
A Deputación de Pontevedra convoca cursos de perfil lingüístico para persoal da Administración local
Ao abeiro do Plan agrupado de formación continua para o ano 2023, organiza os seguintes cursos destinados ao persoal ao servizo da Deputación de Pontevedra, así como ao persoal dos concellos da provincia adheridos a este plan: "Linguaxe administrativa galega. Nivel medio", "Curso de linguaxe clara", "A dinamización lingüística na Administración local" e "Linguaxe e estilo administrativo. Técnicas para mellorar a redacción".
Fonte: Consello da Cultura Galega
Convócase o VI Premio Luís Porteiro Garea para recoñecer o traballo a prol do uso do galego na Universidade de Santiago
A Universidade de Santiago de Compostela convoca este galardón que lembra a figura de Luís Porteiro Garea, profesor e membro das Irmandades da Fala. O premio ten como obxectivo recoñecer as persoas, entidades ou colectivos que traballan a prol do uso do galego na universidade.
Fonte: Consello da Cultura Galega
O Concello de Ames promove a creatividade en lingua galega cunha nova edición do seu certame literario
O Certame Literario Concello de Ames chega á súa vixésima edición co obxectivo principal de fomentar a creatividade en lingua galega. O concurso conta con dúas modalidades (narrativa e poesía) ás que se poderán presentar textos, de tema libre, inéditos e escritos en galego.
Fonte: Concello de Ames
A Xunta renova os convenios con dúas universidades brasileiras para continuar cos estudos de lingua, literatura e cultura galegas
A Xunta de Galicia vai renovar os convenios de colaboración coas universidades de São Paulo e Río de Xaneiro para a docencia, a investigación e a promoción da lingua, a literatura e a cultura galegas.
Fonte: Crónicas de la Emigración
A nova web da mascota do #DígochoEu ofrece contidos para fomentar o uso do galego entre os máis cativos
Digochiño, a mascota do espazo #DígochoEu que se converteu nun fenómeno nas redes sociais, estrea páxina web na que se inclúen todos os episodios nos que se tratan temas como a ecoloxía, o feminismo, a lingua...
Fonte: CRTVG
Unha antoloxía poética recompila preto de 70 composicións de Antón Tovar co apoio da Xunta
O secretario xeral de Política Lingüística, Valentín García, participou na presentación da antoloxía poética de Antón Tovar, impulsada polo Padroado do Museo da Limia, comarca natal do poeta, e editada por Xerais coa colaboración da Xunta.
Fonte: O Portal da Lingua Galega
Boletín
Subscríbase ao boletín
