Varios coñecidos creadores debaten sobre o poder das artes como ferramenta importante para a normalización do galego nesta edición XXIV destes encontros que ten como lema “Arte e lingua como ferramentas de construción masiva”.

Fonte: Consello da Cultura Galega

O Consello da Cultura Galega presenta Galicia, unha cultura por descubrir, un proxecto que mostra no exterior o potencial creativo da cultura galega contemporánea. A través dun espazo web, dispoñible en galego e inglés, poden consultarse diferentes materiais, como pezas audiovisuais e outros recursos e contidos.

Fonte: Consello da Cultura Galega

O Auditorio do Vello Cárcere (Lugo) acollerá o 5 de novembro "Ciencia Calidade", un concurso de monólogos en galego no que oito persoas divulgarán contidos científicos de forma amena en menos de 3 minutos.

Fonte: Consello da Cultura Galega

O secretario xeral de Política Lingüística, Valentín García, e a presidenta da Fundación Vicente Risco, Celia Pereira, presentaron a edición facsimilar conmemorativa do centenario do Plan pedagóxico para a galeguización das escolas, elaborado por Vicente Risco co obxectivo de crear unha guía docente que permitise galeguizar e modernizar o modelo escolar de principios do século XX.

Fonte: O Portal da Lingua Galega

O Vocabulario panlatino do dixital: ataques e devasas é unha obra terminográfica que inclúe solucións para 100 conceptos claves do ámbito da informática, a telefonía e Internet. Xunto co termo e a definición en francés, preséntanse as correspondencias en galego, catalán, español, italiano, portugués, romanés e inglés.

Fonte: Consello da Cultura Galega

O secretario xeral de Política Lingüística, Valentín García, participou na presentación da novela A agonía das Folerpas, de Óscar Reboiras, gañadora do Premio de Novela Galicia Rural 2022 convocado polo Concello de San Xoán de Río co apoio da Xunta e a colaboración da Editorial Galaxia.

Fonte: O Portal da Lingua Galega

Alumnado de Bacharelato de catro centros de ensino da comarca de Ferrolterra asistirá ao longo dos meses de outubro e novembro a este Laboratorio de Apoderamento Lingüístico, un proxecto piloto de dinamización do uso do galego entre a mocidade.

Fonte: CTNL

Un encontro organizado pola Universidade de Kiel serviu para presentar Sechs Dichterinnen aus Galicien. Stimmen der Erde, unha obra que recolle a tradución do galego ao alemán de seis poetas galegas: Luz Pozo, Chus Pato, Pilar Pallarés, Olga Novo, María do Cebreiro e Dores Tembrás.

Fonte: Faro de Vigo

A asociación Docentes de Português na Galiza e AGAL organizan «Perdidos e achados», un concurso dirixido a alumnado de 3º da ESO a 2º de bacharelato, cuxo obxectivo é localizar palabras galegas en desuso que coincidan co código internacional da lingua portuguesa.

Fonte: Consello da Cultura Galega

Os concellos de Ames, Carballo, Pontevedra, Santiago de Compostela e Teo presentaron a sexta edición de Enreguéifate, un certame que ten como obxectivo promover a regueifa como forma de improvisación oral e para fomentar o uso do galego.  

Fonte: Consello da Cultura Galega