Galicia
O Tribunal Superior de Xustiza de Galicia recoñece o dereito a recibir atención en galego por parte da Axencia Tributaria
O TSXG recoñeceu o dereito dun cidadán a ser atendido en galego e declarou nulos os actos administrativos efectuados pola Axencia Tributaria en castelán.
Fonte: Nós Diario
O Concello de Covelo solicita a súa adhesión á Rede de Dinamización Lingüística da Xunta
Con esta solicitude de adhesión á Rede de Dinamización Lingüística o Concello de Covelo busca avanzar na defensa e o emprego do galego en todos os ámbitos e acceder a máis medios técnicos e persoais para continuar con traballos vinculados con esta lingua.
Fonte: Faro de Vigo
A Xunta abre a nova convocatoria das axudas para promover o uso da lingua galega no ámbito local
A Xunta de Galicia ten aberta unha nova convocatoria de subvencións para promover o uso da lingua galega no ámbito local, para o que se destinan 350 000 euros. En concreto, as axudas buscan fomentar os servizos lingüísticos que se prestan á cidadanía, tanto para creación de novos como para manter ou reforzar os existentes. Tamén se destinan para promover a planificación e o desenvolvemento de programas de dinamización da lingua galega para o ano 2022 no ámbito local.
Fonte: O Portal da Lingua Galega
A Xunta impulsou máis de 1000 actividades de dinamización lingüística por toda Galicia en 2021
O secretario xeral de Política Lingüística, Valentín García, compareceu no Parlamento galego para dar conta das accións levadas a cabo pola Xunta de Galicia en materia lingüística en 2021 e presentar as propostas nas que o seu departamento traballa neste momento.
Fonte: O Portal da Lingua Galega
Un acto conmemora a primeira sentenza en galego nun xulgado ourensán
Xoán Manuel Alfaya Ocampo e Miguel González Trigás son os nomes que figuran nunha placa conmemorativa por seren partícipes da primeira sentenza xudicial ditada integramente en galego no Xulgado de Primeira Instancia n.º 2 de Ourense.
Fonte: Faro de Vigo
A Real Academia Galega dedica un volume á toponimia de Tordoia
O volume dedicado á toponimia de Tordoia, publicado na colección Terra Nomeada, está asinado por Lidia Gómez e Luz Méndez e nel analízase a orixe e o significado dos máis de 150 nomes das dez parroquias e os lugares deste concello e mais dunha serie de elementos xeográficos.
Fonte: Real Academia Galega
A Xunta convoca a primeira edición do novo fondo de proxectos culturais ‘TeCe Redes en galego’
A Xunta convoca a primeira edición de TeCe Redes en Galego, o novo repositorio de proxectos dixitais e servizos presenciais creado ao abeiro do Fondo de Proxectos Culturais Xacobeo 21-22. Dotado cunha cantidade inicial de 500 000 euros, esta iniciativa nace co obxectivo de fornecer de materiais e actividades a través un programa de dinamización lingüística e de transmisión xeracional dirixido a un público infantil, xuvenil e familiar.
Fonte: O Portal da Lingua Galega
O director de Industrias Culturais da Xunta subliña a aposta pioneira do Carballo Interplay polos contidos dixitais
O festival de contidos dixitais Carballo Intreplay celebrou a apertura da súa novena edición, que se desenvolve no Pazo da Cultura e noutros puntos da capital bergantiñá ata o vindeiro 9 de abril.
Fonte: O Portal da Lingua Galega
Unha publicación sobre atención educativa na contorna pediátrica chega ás aulas hospitalarias
O secretario xeral de Política Lingüística, Valentín García, asistiu á presentación do libro Pedagoxía hospitalaria. Atención educativa na contorna pediátrica, publicado pola doutora en Pedagoxía María Elena Sobrino Fernández co apoio da Consellería de Cultura, Educación e Universidade.
Fonte: O Portal da Lingua Galega
Case 2000 traballos de fin de grao e de mestrado viron a luz en galego na Universidade de Santiago de Compostela en 2021
O uso do galego incrementouse nos últimos anos nos Traballos Fin de Grao (TFG) e Fin de Mestrado (TFM) na Universidade de Santiago. As mellores cifras acádanse nos estudos de posgrao, co 28,14 % dos TFM redactados nesta lingua, porcentaxe que se eleva ao 30 % nas defensas orais.
Boletín
Subscríbase ao boletín
