O Concello de Ponteareas pon en marcha un certame en TikTok, unha das redes sociais máis empregadas pola xente nova. O concurso, denominado #TikTokTea, está destinado á mocidade maior de 13 anos e ten como obxectivo estimular a creatividade xuvenil con vídeos en galego con novos formatos e temáticas.

Fonte: Faro de Vigo

A Xunta de Galicia, por medio da Consellería de Cultura, Educación e Universidade, convoca os cursos preparatorios das probas de acreditación do Celga para o ano 2021 cunha ampla oferta formativa que inclúe ata 1050 prazas, nas modalidades presencial e en liña.

Fonte: O Portal da Lingua Galega

Algunhas das conclusións que apunta o documento son a carencia de políticas para que a poboación inmigrante poida adquirir competencias lingüísticas en galego; a falta dunha planificación integral, a necesidade de reformular os Celga, a insuficiencia de recursos…

Fonte: Consello da Cultura Galega

Finalizou o prazo para presentar proxectos aos Premios Mil Primaveras, convocados pola Coordinadora de Traballadores/as de Normalización da Lingua, que teñen como obxectivo recoñecer o labor de entidades que traballan para darlle prestixio ao galego.

Fonte: Galicia Confidencial

Olla a Palabra do Día, o concurso impulsado pola Real Academia Galega e a Fundación Barrié, xa ten gañadores. Presentáronse ao certame case un cento de proxectos dos que se seleccionaron os de oito centros educativos que resultaron vencedores.  

Fonte: Real Academia Galega

A Mesa pola Normalización Lingüística anunciou que xa conta con 15 000 sinaturas de apoio á Iniciativa Xabarín, cuxa campaña finaliza o 2 de abril. Con esta proposta preténdese que o Goberno tome medidas para aumentar a oferta televisiva en galego destinada á infancia e á mocidade.

Fonte: Nós Diario

Falamos, o programa para fomentar o uso do galego como lingua de socialización entre a comunidade universitaria impulsado pola Universidade de Vigo e o Concello de Pontevedra, propón novas actividades virtuais para o segundo cuadrimestre.

Fonte: Universidade de Vigo

A Deputación de Pontevedra abriu o prazo para que os concellos da provincia con menos de 50 000 habitantes soliciten actuacións musicais dentro do programa Musigal, unha iniciativa que ten como obxectivo contribuír á difusión e á promoción da música galega e en galego.

Fonte: Deputación de Pontevedra

O certame de microrrelatos, que chega á súa cuarta edición, ten como obxectivo reforzar a presenza do galego no mundo dixital. Pódense presentar a este concurso textos dun máximo de 200 palabras escritos nesta lingua ao longo do mes de febreiro.

Fonte: Real Academia Galega

A Coordinadora de Traballadores/as de Normalización da Lingua publica o Manual de procesos selectivos para técnicos/as de normalización lingüística, unha guía pensada para as persoas aspirantes a este posto na Administración local, así como para a Administración convocante.

Fonte: Consello da Cultura Galega