Galicia
O IES Rosalía de Castro acolle a presentación do novo web ovelldoscontos.gal
O IES Plurilingüe Rosalía de Castro acolleu o Día Mundial da Radio a presentación do web http://www.ovellodoscontos.gal, que se enmarca nos Premios Internacionais de Podcast Xosé Mosquera.
Fonte: O Portal da Lingua Galega
A Universidade de Santiago convoca unha nova edición de #TEDSaúde, o certame de subtitulación ao galego de vídeos TED de ciencias da saúde
O V Concurso de subtitulación de vídeos TED de Ciencias da Saúde ao galego, que organiza a Comisión de Normalización Lingüística da Facultade de Farmacia, ten como obxectivo impulsar o uso desta lingua nesta área de coñecemento, así como fomentar a existencia de recursos divulgativos en galego en novos soportes neste ámbito.
A Real Academia Galega presenta unha nova edición do proxecto Primavera das Letras
A Real Academia Galega presentou no CEIP Cruceiro de Canido de Ferrol a nova edición do proxecto Primavera das Letras, dedicada a Ricardo Carballo [Carvalho] Calero. Así, a través da web primaveradasletras.gal, o alumnado de infantil e primaria poderá acceder a contidos lúdicos e didácticos sobre a vida e a obra do protagonista do Día das Letras Galegas 2020.
Fonte: Real Academia Galega
O Concello de Vigo organiza un curso de nivel básico de galego para persoas con escasos coñecementos desta lingua
Este curso de nivel básico, que se impartirá ao longo dos meses de marzo e abril, está destinado a persoas de dentro e fóra de Galicia con escasos coñecementos da lingua galega.
Fonte: Consello da Cultura Galega
A Escola Galega de Administración Pública publica dúas convocatorias de cursos de linguaxe administrativa e xurídica galega
Os cursos de linguaxe administrativa e xurídica galega (niveis medio e superior) convocados pola Egap contarán con modalidade presencial e teleformación e están destinados ao persoal funcionario de diferentes Administracións.
Fonte: Consello da Cultura Galega
A Consellería de Cultura e Turismo convoca axudas para a tradución do libro galego
A convocatoria de axudas para o libro galego está dirixida tanto á tradución para outras linguas de obras publicadas orixinariamente en galego como á tradución para o galego de obras publicadas orixinariamente noutras linguas.
Fonte: Consello da Cultura Galega
A Consellería de Cultura e Turismo convoca axudas dirixidas ás entidades locais para a compra de novidades editoriais en galego
As entidades locais de Galicia poderán adquirir novidades editoriais en galego en formato físico para ampliar os fondos das bibliotecas de titularidade municipal grazas á convocatoria de axudas impulsada pola Consellería de Cultura e Turismo.
Fonte: Consello da Cultura Galega
A Mesa pola Normalización Lingüística presenta no Parlamento de Galicia unha campaña a prol da atención sanitaria en galego
Representantes da Mesa pola Normalización Lingüística reuníronse co presidente do Parlamento para presentarlle a campaña 'Falar galego é saudábel', unha iniciativa coa que pretenden reivindicar unha atención sanitaria en lingua galega.
Fonte: Galicia Confidencial
A Universidade de Santiago convoca a XVI edición dos Premios á calidade lingüística
Cos Premios á calidade lingüística recoñécense os mellores traballos académicos, fin de grao (TFG) e fin de mestrado (TFM) redactados en lingua galega no presente curso académico.
As horas de docencia en galego na Universidade de Santiago de Compostela apenas alcanzan o 21 %
Segundo os datos ofrecidos por O Cartafol Dixital relativos aos usos lingüísticos na actividade docente da Universidade de Santiago no curso 2019-2020, case as tres cuartas partes das materias impártense en castelán, mentres que o galego se reduce a un 21,04 % e outros idiomas estranxeiros, o 4,18 %.
Fonte: Consello da Cultura Galega
Boletín
Subscríbase ao boletín
