Galicia
O Concello de Ribadumia convoca un ano máis o premio "Ribadumienses en prol do galego"
O premio "Ribadumienses en prol do galego", convocado dende hai catro anos polo Concello de Ribadumia, é un recoñecemento ás persoas e entidades do municipio que destacan pola súa defensa e posta en valor desta lingua. O galardón entrégase o 17 de maio durante os actos centrais do Día das Letras Galegas.
Fonte: Faro de Vigo
A serie “Auga Seca” convértese no primeiro contido en galego de HBO España
Auga Seca, un thriller de seis capítulos que trata o mundo do tráfico de armas, está rodada orixinalmente en galego e portugués. Agora incorpórase ao catálogo de HBO España, que tamén ofrecerá versión dobrada ao castelán con subtítulos en español e inglés.
Fonte: Serielizados
O Concello de Santiago de Compostela organiza un curso de acollemento lingüístico
O Curso de acollemento lingüístico está pensado para persoas adultas procedentes doutras comunidades lingüísticas que desexen realizar un primeiro achegamento á lingua e á cultura galegas.
Fonte: Consello da Cultura Galega
A Confraría da Humildade presenta a nova revista dedicada á Semana Santa 2020
O secretario xeral de Política Lingüística, Valentín García, participou na presentación da nova revista Confraría da Humildade. Semana Santa 2020, que dá conta da axenda de cultos e actos programados pola Confraría da Humildade do 3 ao 19 de abril, no marco da celebración da festa máis importante do calendario cristián deste ano.
Fonte: O Portal da Lingua Galega
O IES Ferrol Vello e o CEIP Xesús San Luis Romero gañan o Concurso-exposición Letras Galegas 2020
O Portal da Lingua Galega publicou a resolución do Concurso-exposición Letras Galegas 2020, un certame que cada ano convocan a Xunta de Galicia co apoio de Feiraco.
Fonte: O Portal da Lingua Galega
A Fundación Antonio Fraguas convoca a XII edición do seu proxecto didáctico
A Fundación Antonio Fraguas Fraguas e a Xunta de Galicia veñen de convocar a XII edición do Proxecto Didáctico Antonio Fraguas Fraguas que ten como obxectivo poñer en valor o patrimonio lingüístico e cultural galegos desde o ensino valorando especialmente aquelas iniciativas que fomenten a educación en igualdade do alumnado.
Fonte: O Portal da Lingua Galega
O Concello de Ribeira asume o topónimo legal da localidade fixado no Decreto 189/2003 da Xunta de Galicia
Despois de catro décadas, o Concello de Ribeira asume que o topónimo oficial e o único legal da localidade se escribe con b, como fixa o Decreto 189/2003 e a propia Lei de normalización lingüística, que establece que é a Xunta a que determina a toponimia oficial.
Fonte: Praza Pública
As Xornadas Xosé Calviño 2020 presentan experiencias na normalización e dinamización do galego
O secretario xeral de Política Lingüística, Valentín García, participou no acto de apertura das Xornadas Xosé Calviño 2020 organizadas polo IES Arcebispo Xelmírez I de Santiago de Compostela coa colaboración da Xunta de Galicia e mais do Centro Autonómico de Formación e Innovación (CAFI).
Fonte: O Portal da Lingua Galega
O Ateneo Ferrolán acolle durante esta semana a mostra 'Don Ricardo de Fingoi'
O Ateneo Ferrolán acolle a mostra “Don Ricardo de Fingoi. Carballo Calero en Lugo”, que conmemora os 15 anos que o autor a quen a Real Academia Galega (RAG) lle dedicará o vindeiro 17 de maio residiu na Cidade das Murallas para exercer como profesor e conselleiro delegado do Colexio Fingoi.
Fonte: O Portal da Lingua Galega
A Universidade de Santiago presenta os Esenciais, unha ferramenta para achegar o galego á docencia
Os Esenciais son recursos pensados para apoiar o traballo do profesorado e que o alumnado conte cunha guía de referencia no proceso de aprendizaxe dos contidos dunha materia, ademais de permitir mellorar a comunicación lingüística en galego no ámbito científico.
Boletín
Subscríbase ao boletín
