Galicia
A Real Academia Galega crea un espazo web coas súas publicacións desde 1906
A Real Academia Galega acaba de crear unha nova páxina web na que se poden consultar publicacións editadas por esta institución dende o ano 1906. Trátate dun espazo que contén máis de 350 volumes, 200 dos cales están dispoñibles para descarga gratuíta.
Fonte: Real Academia Galega
O Concello de Ames convoca a segunda edición do Premio Lingua e Empresa
Por segundo ano consecutivo, o Concello de Ames pon en marcha o Premio Lingua e Empresa que ten como obxectivo recoñecer o uso e o fomento da lingua galega na actividade empresarial amesá.
Fonte: Concello de Ames
Un grupo de docentes inspírase no Inktober para impulsar unha iniciativa de fomento do galego
O grupo docente Galiza Visual pon en marcha a iniciativa 'Outubro de tinta', inspirada na idea de Inktober (que desafía a debuxantes a crear imaxes baseadas en palabras en inglés), para fomentar o galego e unha alternativa educativa.
Fonte: Real Academia Galega
Teo acollerá a quinta edición do LGx15 con novas ideas para o futuro do galego
Teo acollerá o sábado 9 de novembro unha nova edición do LGx15, un acto no que, a través de oito intervencións, se transmitirán de maneira visual e entretida ideas, argumentos e propostas para influír nas actitudes e na conciencia lingüística.
Fonte: CTNL
A Universidade de Santiago publica unha obra terminolóxica pioneira en galego centrada na logopedia e a audioloxía
A obra Termos esenciais de logopedia e audioloxía: galego-español-inglés contén un milleiro de conceptos destas disciplinas, clasificados por áreas temáticas e con equivalencias nestas tres linguas. Malia a significativa presenza na nosa sociedade dos dous ámbitos, ata o momento non existía ningún traballo que recollese a terminoloxía galega destes.
A Xunta defende que o vínculo de Galicia coa lusofonía permite reforzar a proxección internacional do galego
O director xeral de Relacións Exteriores e coa UE, Jesús Gamallo, inaugurou a conferencia “Xuventude, diásporas e mobilidade académica” organizada pola Academia de Lingua Portuguesa e a Comisión Técnica de Promoción e Difusión da Lingua Portuguesa.
Fonte: O Portal da Lingua Galega
O Concello de Santiago de Compostela convoca unha liña de axudas destinada ao comercio para gastos de comunicación en galego
O pequeno comercio compostelán, no marco do programa “Coidar para mellorar, mellorar para coidar”, poderá optar a unha nova convocatoria de axudas, impulsada desde o Concello, para gastos como campañas publicitarias ou outras iniciativas de comunicación en galego.
Vilamarín, Bueu, Cedeira e o Liceo de Ourense acollen as propostas de dinamización lingüística da Xunta
Os concellos de Vilamarín, Bueu, Cedeira e o Liceo de Ourense acollen durante esta fin de semana as propostas de dinamización lingüística da Xunta en entidades adscritas á Rede de Dinamización Lingüística (RDL), por medio da Consellería de Cultura e Turismo.
Fonte: O Portal da Lingua Galega
O libro galego, representado a través de 14 editoriais na feira internacional Liber en Madrid
O director xeral de Políticas Culturais, Anxo M. Lorenzo, visitou a Feira Internacional do Libro LIBER, un encontro profesional de referencia en toda Europa que se celebra ata o venres en Madrid, e na que participan 14 editoriais galegas
Fonte: O Portal da Lingua Galega
Valentín García participa na presentación do libro póstumo de Neira Vilas ‘Co pai’
O Auditorio Xosé Neira Vilas da Cidade da Cultura de Galicia acolleu a presentación dun novo volume póstumo, titulado Co pai, do autor que lle dá nome.
Fonte: O Portal da Lingua Galega
Boletín
Subscríbase ao boletín
