A Mesa pola Normalización Lingüística pídelle á Xunta que facilite a dobraxe ao galego das principais series e filmes que ofertan as plataformas dixitais, para o cal puxo en marcha nas redes unha campaña xunto coa Asociación Profesional de Actores e Actrices da Dobraxe, a Asociación Galega de Profesionais da Tradución e a Interpretación e mais a comunidade de Instagram en galego.

Fonte: Galicia Confidencial

Galeguiza-T, un colectivo de estudantes do IES Neira Vilas de Oleiros, puxo en marcha a iniciativa Nova antoloxía da música galega contemporánea, unha lista de Spotify con máis de 200 artistas ou grupos contemporáneos que fan música de diferentes estilos en galego.

Fonte: Consello da Cultura Galega

A Xunta de Galicia celebra a vixésimo quinta edición do seu premio Álvaro Cunqueiro para textos teatrais aumentando a súa dotación ata 8000 euros, 2000 máis que nas súas convocatorias anteriores.

Fonte: O Portal da Lingua Galega

A conselleira de Educación, Universidade e Formación Profesional, Carmen Pomar; e o secretario xeral de Política Lingüística, Valentín García; participaron na gala de entrega dos Premios aRi[t]mar da Música e da Poesía Galego-Portuguesa.

Fonte: O Portal da Lingua Galega

Nós Diario é unha nova iniciativa xornalística en lingua galega que comezará a editarse a partir do vindeiro 2 de xaneiro de 2020 e que contará cunha versión en papel e outra dixital.

Fonte: Consello da Cultura Galega

O ano 2019, no que o Día das Letras Galegas lle foi dedicado ao polígrafo de Cerdedo-Cotobade Antonio Fraguas Fraguas, está tocando ao seu fin. O Centro Ramón Piñeiro para a Investigación en Humanidades (CRPIH) quere poñerlle o ramo cunha homenaxe no marco da súa colección Cadernos Ramón Piñeiro, que chega ao seu número XXXIX co volume Antonio Fraguas: laboris causa. Trigo limpo candeal.

Fonte: O Portal da Lingua Galega

Santiago de Compostela acolleu unha gala na que se deron a coñecer os traballos gañadores da terceira edición de Youtubeir@as, un concurso de creación de vídeos que ten como obxectivo fomentar o uso do galego en Youtube.

Fonte: Consello da Cultura Galega

O Portal das Palabras acaba de abrir o prazo para a presentación de candidatas a converterse en Palabra do Ano, unha iniciativa aberta á cidadanía para que escolla o termo que mellor resuma o acontecido neste 2019.

Fonte: Portal das Palabras

O secretario xeral de Política Lingüística, Valentín García, participou na homenaxe que lle rendeu o Parlamento de Galicia a Celso Emilio Ferreiro no 40 aniversario do pasamento do autor de Longa noite de pedra (Galaxia, 1962).

Fonte: O Portal da Lingua Galega

O certame aRi[t]mar promovido pola Escola Oficial de Idiomas de Santiago de Compostela coa colaboración da Xunta trae o mércores, 4 de decembro, ao Auditorio de Galicia as gañadoras desta edición, que son Tanxugueiras, Os Azeitonas, Susana Aríns, Marta Chaves e Uxía, ademais da actuación Carlos Blanco.

Fonte: O Portal da Lingua Galega