Galicia
Anxo M. Lorenzo salienta que a nova sede do CGAC en Lugo exercerá como "polo de atracción da creatividade local"
O director xeral de Políticas Culturais, Anxo M. Lorenzo, salientou que a nova sede do Centro Galego de Arte Contemporánea (CGAC) que se instalará no Pazo de Dona Urraca, no barrio lucense da Tinería, exercerá como “polo de atracción da creatividade local” e xerador de talento para a capital lucense.
Fonte: O Portal da Lingua Galega
O Concello de Tomiño organiza unha campaña de Nadal para impulsar o uso do galego
O Servizo de Normalización Lingüística do Concello de Tomiño puxo en marcha unha campaña de Nadal para o fomento do galego que consiste na entrega aos establecementos comerciais de etiquetas adhesivas para colocar nos paquetes dos agasallos con diferentes lemas nesta lingua.
Fonte: Concello de Tomiño
Rodríguez López Auto incorpora o galego á súa actividade co apoio da Xunta
O secretario xeral de Política Lingüística, Valentín García, participou, no polígono industrial de San Cibrao das Viñas, na Investidura de Galeguidade Empresarial de Rodríguez López Auto organizada polo Foro E. Peinador.
Fonte: O Portal da Lingua Galega
O Concello de Santiago conta cunha nova web de actividades e recursos para promover o uso do galego
O Departamento de Lingua do Concello de Santiago presentou Delingua, unha nova web que ofrece información sobre programas, actividades e recursos postos en marcha por esta institución para promover e dinamizar o emprego do galego.
A Facultade de Veterinaria da Universidade de Santiago ofrécelle ao alumnado material de estudo en galego nun terzo das materias
A Facultade de Veterinaria está levando a cabo varias iniciativas a prol do uso do galego neste centro. Proba disto é o feito de que lle ofrecen ao alumnado materiais de estudo nesta lingua para un terzo das materias da titulación, ademais de organizar campañas e concursos de sensibilización.
A Xunta de Galicia resolve as axudas para publicacións periódicas en galego
O Diario Oficial de Galicia publicou a resolución da convocatoria, realizada pola Secretaría Xeral de Medios, de subvencións para o ano 2019 destinadas a empresas que realizan publicacións periódicas escritas integramente en galego.
Fonte: Consello da Cultura Galega
A Xunta celebra co Foro Peinador o Día da Galeguidade Empresarial
O secretario xeral de Política Lingüística, Valentín García, participou, na Facultade de Administración e Dirección de Empresas da Universidade de Santiago de Compostela (USC), na celebración do Día da Galeguidade Empresarial que promove o Foro Enrique Peinador, dedicado este ano a Antonio Fernandez López e ao 95 aniversario do I Congreso de Economía de Galicia.
Fonte: O Portal da Lingua Galega
Preséntase Ledigal, un novo recurso para coñecer a variación sociolingüística no léxico dispoñible do galego
Ledigal é unha aplicación, desenvolvida polo Instituto da Lingua Galega, que permite coñecer a variación sociolingüística no léxico dispoñible do galego, entendendo por léxico dispoñible o que se presenta na mente dos falantes de xeito inmediato e natural cando se trata de determinado ámbito temático.
Fonte: Consello da Cultura Galega
O certame Senda dos Faros promove o valor lingüístico, patrimonial e paisaxístico da costa galega
O novo certame escolar Senda dos Faros promoverá o valor lingüístico, patrimonial e paisaxístico da costa galega ao longo do máis de medio cento de etapas que o configuran, desde Tapia de Casariego (Asturias) ata Vila Nova de Cerveira (Portugal), para alén das etapas insulares de Ons, Cíes e Sálvora.
Fonte: O Portal da Lingua Galega
O Parlamento acolle a entrega dos XXVI Premios de Publicidade en Galego
O Parlamento de Galicia acolleu o acto de entrega dos XXVI Premios de Publicidade en Galego, convocados conxuntamente pola Xunta de Galicia, a través da Consellería de Cultura e Turismo, polo Parlamento Galego e polo Foro Enrique Peinador co obxectivo de impulsar e recoñecer proxectos de promoción do uso do galego desde o ámbito publicitario en cinco categorías: radio, televisión, prensa escrita, internet e centros de formación de profesionais neste sector.
Fonte: O Portal da Lingua Galega
Boletín
Subscríbase ao boletín
