La Voz de Galicia presenta un curso de galego en liña, estruturado en dez unidades, deseñado para adquirir as competencias lingüísticas necesarias para superar as probas do Celga 3.

Fonte: Consello da Cultura Galega

O Rexurdimento do galego no século XIX non foi só literario. En 1868 saíu do prelo de Soto Freire, o mesmo que publicara cinco anos antes os Cantares gallegos de Rosalía de Castro, a primeira gramática galega elaborada con criterios científicos, da autoría de Juan Antonio Saco e Arce.

Fonte: O Portal da Lingua Galega

A capital de Galicia acollerá este domingo unha nova actividade do FalaRedes, o programa de dinamización que a Consellería de Cultura e Turismo impulsa a través da Secretaría Xeral de Política Lingüística.

Fonte: O Portal da Lingua Galega

A Real Academia Galega e a Deputación de Lugo asinaron a renovación do seu convenio de colaboración polo que a institución provincial apoiará, cunha achega anual de 9000 euros, distintas accións para fomentar a lingua e a cultura galegas.

Fonte: Real Academia Galega

O secretario xeral de Política Lingüística, Valentín García, participou na inauguración da "XI Xornada de recursos educativos en galego: A educación musical" na Facultade de Ciencias da Educación da Universidade de Santiago de Compostela (USC).

Fonte: O Portal da Lingua Galega

O conselleiro de Cultura e Turismo, Román Rodríguez, participou con alumnado do IES Sofía Casanova de Ferrol no acto institucional de celebración do Mes da Ciencia en Galego.

Fonte: O Portal da Lingua Galega

A mostra sobre Castelao poderá verse ata o 26 de novembro no CEIP San Bieito de Lérez e estará composta por 17 láminas de cartón-pluma de varios tamaños. No que respecta aos obradoiros micolóxicos, impartiranse na escola de Verducido  para nenas e nenos de sexto curso de Educación Infantil e primeiro e segundo de Primaria.

Fonte: Faro de Vigo

O Centro Ramón Piñeiro para a Investigación en Humanidades (CRPIH), dependente da Secretaría Xeral de Política Lingüística, pechou os actos conmemorativos do seu 25º aniversario tras acoller a conferencia de clausura impartida por Guillermo Rojo, colaborador da institución e tesoureiro da Real Academia Española (RAE).

Fonte: O Portal da Lingua Galega

Os Premios Bacelos de Prata, convocados pola Asociación Álvaro das Casas, buscan recoñecer o labor de empresas que apostan polo galego. Nesta edición as entidades galardoadas son a empresa de conservas vexetais ecolóxicas Conservas Amorodo e a adega Vermutería de Galicia.

Fonte: Consello da Cultura Galega

O secretario xeral de Política Lingüística, Valentín García, supervisou no IES compostelán Antón Fraguas o inicio das probas de acreditación do Celga 4, no marco da convocatoria extraordinaria convocada polo seu departamento para este ano.

Fonte: O Portal da Lingua Galega