Galicia
Valentín García pecha en Madrid o XII Congreso internacional da AIEG
O secretario xeral de Política Lingüística, Valentín García, asistiu na Real Biblioteca do Escorial á presentación das Cantigas de Santa María e da versión galega da General estoria de Afonso X o Sabio, acompañados da música en directo de Carlos Núñez.
Fonte: O Portal da Lingua Galega
Política Lingüística convoca novas probas de acreditación do Celga
A Xunta de Galicia, por medio da Secretaría Xeral de Política Lingüística, publica no Diario Oficial de Galicia a resolución do 7 de setembro de 2018, da Secretaría Xeral de Política Lingüística, pola que se convocan as probas para a obtención dos certificados de lingua galega, niveis Celga 2 e 4, no ano 2018 (ED114A).
Fonte: O Portal da Lingua Galega
Os Centros de Estudos Galegos de Oxford, París e País Vasco incorporan novas lectoras
A Rede de Centros de Estudos Galegos da Xunta de Galicia contará desde o curso académico 2018/2019 con tres novas lectoras de lingua, literatura e cultura galegas. O secretario xeral de Política Lingüística, Valentín García, reuniuse na sede do seu departamento, no compostelán Pazo de San Roque, coas profesoras-lectoras que inician a súa actividade nos centros dependentes da Consellería de Cultura, Educación e Ordenación Universitaria en Oxford (Reino Unido), París (Francia) e Vitoria (País Vasco).
Fonte: O Portal da Lingua Galega
O Centro Ramón Piñeiro analiza nunha xornada o seu papel como depositario de legados científicos
O secretario xeral de Política Lingüística, Valentín García, participou no acto de inauguración da terceira das xornadas con que o Centro Ramón Piñeiro para a Investigación en Humanidades (CRPIH) celebra os seus 25 anos de existencia, e que se desenvolven baixo o título “O Centro Ramón Piñeiro como recuperador de fondos e depositario de legados”.
Fonte: O Portal da Lingua Galega
O Concello de Santiago convoca axudas para o comercio local cunha liña destinada a incrementar o uso do galego
O Concello de Santiago presentou a convocatoria de axudas destinadas á mellora e á innovación do comercio local para o ano 2018, baixo o título "Coidar para mellorar, mellorar para coidar". Entre os seus obxectivos, destaca unha liña dirixida á mellora da comunicación dos establecementos comerciais e á incorporación ou ampliación nestes do uso da lingua galega.
Chega a Moaña a mostra dos Bolechas coa que a Deputación de Pontevedra quere fomentar o uso do galego entre os máis pequenos
A mostra ‘Gatiños, Ghatiñas, Gatíos. Xeitos de falarmos galego', organizada pola Deputación de Pontevedra, permanecerá en Moaña ata o 20 de setembro para darlles a coñecer ás cativas e aos cativos a riqueza da lingua galega a través dos irmáns Bolechas.
Fonte: Deputación de Pontevedra
Preséntanse as novas ferramentas informáticas nas que está a traballar a Real Academia Galega para salvagardar a toponimia
Vicente Feijoo, membro do Seminario de Onomástica da Real Academia Galega, presentou as ferramentas tecnolóxicas nas que se está a traballar para protexer e divulgar o rico patrimonio toponímico de Galicia.
Fonte: Real Academia Galega
A Deputación da Coruña anima o alumnado a participar no seu certame de cancións en galego
Co gallo do comezo do curso escolar, a Deputación da Coruña fai un chamamento á participación no III Certame de música infantil e xuvenil Quero Cantar, un concurso de cancións en galego para grupos ou solistas cuxo prazo de presentación das propostas musicais finaliza o 19 de outubro.
Fonte: Deputación da Coruña
O Concello de Ames organiza obradoiros de lingua e cultura galegas para persoas de fóra de Galicia
O Concello de Ames organiza unha nova edición dos Obradoiros de Lingua e Cultura “En galego, co teu acento!”, destinados a persoas procedentes de fóra de Galicia que vivan neste municipio.
Fonte: Consello da Cultura Galega
Redes, territorio e memoria centran o XII Congreso Internacional de Estudos Galegos
O secretario xeral de Política Lingüística, Valentín García, e o delegado da Xunta en Madrid, José Ramón Ónega, participaron na inauguración do XII Congreso da Asociación Internacional de Estudos Galegos (AIEG), que reúne galicianistas de todo o mundo arredor do tema “Novos horizontes para unha Galicia global: redes, territorio, memoria”.
Fonte: O Portal da Lingua Galega
Boletín
Subscríbase ao boletín
