Galicia
Castrelo de Miño e Baños de Molgas contarán con persoal técnico de normalización lingüística
O Boletín Oficial da Provincia de Ourense publica a convocatoria, ao abeiro das axudas da Xunta de Galicia, dunha praza temporal de técnico/a de normalización lingüística para o agrupamento dos concellos de Castrelo de Miño e Baños de Molgas.
Fonte: CTNL
A Deputación da Coruña apoiará a programación da Asociación de Escritores e Escritoras en Lingua Galega
A Deputación da Coruña e a Asociación de Escritores e Escritoras en Lingua Galega (AELG) asinaron un convenio de colaboración polo que a institución provincial destinará 30 000 euros para apoiar o programa de actividades que a AELG desenvolverá durante o ano 2018.
Fonte: Deputación da Coruña
Case 1500 rapaces e rapazas de estadía nos campamentos participaron no programa ‘O galego campa!’
Case 1500 rapaces e rapazas, de entre 9 e 17 anos, de estadía nos campamentos de verán de titularidade da Xunta de Galicia, por medio da Consellería de Política Social, participaron ao longo dos meses de xullo e agosto na edición 2018 do programa de dinamización lingüística ‘O galego campa!’, promovido pola Dirección Xeral de Xuventude, Participación e Voluntariado e mais pola Secretaría Xeral de Política Lingüística.
Fonte: O Portal da Lingua Galega
Preséntase no Festival Viñetas desde o Atlántico a revista de banda deseñada en lingua galega "A Viñeta de Schrödinger"
O pasado sábado 11 de agosto presentouse na Coruña o número 1 da revista de banda deseñada A Viñeta de Schrödinger, editada pola Mesa pola Normalización Lingüística e a Asociación Socio-Pedagóxica Galega, no marco do Festival Viñetas desde o Atlántico.
O festival Revenidas convértese nun referente a prol da lingua galega
Vilaxoán acolleu a presentación da décimo quinta edición do festival Revenidas que se celebra os días 17, 18 e 19 de agosto, un referente a prol da lingua e a cultura galegas, así como doutras lingua faladas no resto do Estado español.
Fonte: Faro de Vigo
Pontevedra acolle un curso, organizado pola ONCE, onde persoas invidentes procedentes de varios países melloran o seu nivel de inglés
Mozos e mozas invidentes procedentes de Italia, Portugal e outros puntos de España acoden en Pontevedra a un curso de verán para perfeccionar o seu inglés organizado polo Centro de Recursos Educativos da ONCE.
Fonte: Faro de Vigo
A Mesa pola Normalización Lingüística colabora na festa da lingua da localidade cacereña de San Martiño de Trebello
A Mesa pola Normalización Lingüística e a Fundación Vía Galego colaborarán coas organizacións que traballan a prol do galego nos lugares de Estremadura onde se fala esta lingua na celebración os vindeiros días 15, 18, 24, 25 e 26 de agosto dunha festa en San Martiño de Trebello.
O Orixe Festival de Caldas de Reis aposta pola cultura, a solidariedade e a lingua galega
Caldas de Reis acollerá o vindeiro 18 de agosto o Orixe Festival, un evento que combina música, literatura e solidariedade, o que o converte nun festival inclusivo que, ademais, involucra o tecido local, aposta pola lingua galega e organiza actividades paralelas dirixidas a todo tipo de públicos.
Fonte: Pontevedra Viva
Nace o Premio Otero Pedrayo para impulsar a investigación sobre paisaxe e patrimonio cultural en lingua galega
A Xunta de Galicia vai poñer en marcha o Premio Otero Pedrayo de ensaio co que pretende fomentar o coñecemento xeográfico e paisaxístico de Galicia así como impulsar a produción ensaística en lingua galega. Ademais, este galardón servirá para homenaxear a figura do intelectual ourensán e divulgar a súa traxectoria.
Fonte: Galicia Confidencial
A novela "Arnoia, Arnoia" converterase nun videoxogo con versións en galego, castelán e inglés
A novela de Xosé Luís Méndez Ferrín Arnoia, Arnoia transformarase en videoxogo co obxectivo de amosar a riqueza literaria e turística de Celanova e da provincia de Ourense a través dun formato innovador e interactivo. Ademais, o proxecto conterá versións en galego, español e inglés.
Fonte: Código Cero
Boletín
Subscríbase ao boletín
