Galicia
As webs dos principais fabricantes do sector téxtil de Galicia seguen a ignorar a lingua galega
A pesar da súa importancia económica, as principais empresas do sector téxtil de Galicia non inclúen a lingua galega nas súas páxinas web. A meirande parte delas son bilingües en castelán e inglés.
Fonte: Vieiros
Comeza unha nova edición do concurso por internet "Lingua de @mor"
A terceira edición do concurso por internet Lingua de @mor, organizado polo Consello da Xuventude de Galicia e o Servizo de Normalización Lingüística do Concello vigués, premiará as mellores cancións e declaracións de amor escritas en galego.
Fonte: Galicia Hoxe
Afíanzase o compromiso empresarial coa galeguización da telefonía móbil a través dun convenio con Política Lingüística
O Consello da Xunta aprobou a formalización dun convenio de colaboración entre a Secretaría Xeral de Política Lingüística e a empresa Nokia Spain, S.A.U., para a normalización lingüística no sector da telefonía móbil.
Fonte: Xunta de Galicia
Política Lingüística fomenta a edición de textos en galego con dúas coleccións dedicadas á empresa e á dramaturxia
Incentivar a edición en lingua galega de textos especializados, para dar así resposta ás demandas de públicos diferentes, é o obxectivo primordial que a Secretaría Xeral de Política Lingüística se marcou cando decidiu financiar a posta en marcha de dúas novas coleccións de libros.
Fonte: Xunta de Galicia
Os datos de uso do Mapa Sociolingüístico de Galicia 2004 alertan dun forte descenso no número de galegofalantes
A Real Academia Galega (RAG) acaba de distribuír o segundo volume do Mapa Sociolingüístico de Galicia 2004 (MSG-04), correspondente aos usos lingüísticos, e no que se constata un forte descenso do uso do galego nos últimos anos.
Fonte: CTNL
A asociación Galicia Bilingüe vixiará "atentamente" a política lingüística de Feijóo
Galicia Bilingüe vixiará "atentamente" as medidas que o futuro Goberno galego porá en marcha no que a política lingüística se refire.
Fonte: El Progreso
Política Lingüística convoca a vixésimo segunda edición dos cursos de lingua e cultura galegas para estranxeiros
A Secretaría Xeral de Política Lingüística, en colaboración coa Real Academia Galega e o Instituto da Lingua Galega, convoca a vixésimo segunda edición dos cursos de verán de lingua e cultura galegas para estranxeiros e españois de fóra de Galicia. Esta actividade de formación desenvolverase do 2 ao 30 de xullo deste ano na Universidade de Santiago de Compostela.
Fonte: Xunta de Galicia
Marisol López apela a unha implicación colectiva na defensa do galego para evitar retrocesos nos logros en normalización
A secretaria xeral en funcións de Política Lingüística inaugurou a exposición sobre o galego e o plurilingüismo mundial, que permanecerá na Sala Municipal Uxío Novoneyra de Lugo ata o 5 de abril. Na súa intervención, a responsable autonómica defendeu “o importante papel que xoga a mocidade para garantir o futuro do plurilingüismo”.
Fonte: Xunta de Galicia
A Mesa pola Normalización Lingüística anima a comunidade internauta galega a unirse ao seu manifesto pola lingua galega
A Mesa pola Normalización Lingüística vén de habilitar na súa web un espazo para favorecer a adhesión directa ao Manifesto a prol da convivencia lingüística e da igualdade de dereitos para o galego.
Fonte: Código Cero
O Sergas contrata un servizo que converterá en voz en galego e castelán os contidos da súa web
A empresa Tecnocom asinou un contrato co Servizo Galego de Saúde para levar a cabo a implantación dun novo sistema de conversión de voz en galego e en castelán que será aplicado aos textos da páxina web do departamento autonómico.
Fonte: Europa Press
Boletín
Subscríbase ao boletín
